amalinks wokungena

Breaking News

Sithenjiswe i$3 Billion, Kutsho uMnangagwa


UMongameli Emmerson Mnangagwa uthi uhulumende wakhe uthenjiswe imali engamabillion amathathu ngosomabhizimusi bakwamanye amazwe abalesifiso sokuzevula amankampani eZimbabwe.

Ebhala ephephandabeni elidumileyo eMelika eleNew York Times, uMnangagwa uthe eleZimbabwe seliguqule izenzo zalo langena endleleni eya ekukhanyeni kulandela ukususwa kukaMnu Robert Mugabe embusweni nyakenye.

Ngalesosizatho, uMnangagwa umeme abakwamanye amazwe ukuthi bazencedisa ukuvuselela umnotho welizwe, esithi inotho yabo izavikelwa nguhulumende nanku lomthetho okhangelane lokuthuthukiswa kwabensundu oweIndigenization and Economic Empowerment Act usuguquliwe.

UMongameli Mnangagwa ukuvumile ukuthi ilizwe lisabhekane lobunzima obukhulu obugoqela ukuswelakala kwemisebenzi.

Wengeze wathi uhulumende usebenza gadalala ukulondoloza amalungelo oluntu. Uphinde wathembisa njalo ukuthi ukhetho oluzayo luzaqhutshwa ngokukhululekileyo.

UMongameli Mnangagwa ucele njalo amazwe afakela ilizwe leZimbabwe izijeziso, agoqela eleBhilithane leleMelika ukuthi ezesule lezizijeziso ukuze kube lengqubelaphambili.

Ingcwethi ehlaziya ezombusazwe uMnu Zenzele Ndebele utshele iStudio 7 ukuthi akula nguquko ekhanyayo esilethwe nguhulumende kaMnangagwa kwezenotho.

please wait

No media source currently available

0:00 0:02:00 0:00
XS
SM
MD
LG