amalinks wokungena

Breaking News

Dr. Ruth Labode: Siyasemukela Isigxingi Sokuvikela Igcikwane leHIV


UDokotela Ruth Labode

Kuhlelo lwethu esethulela lona maviki wonke ngoLwesithathu liviki sixoxa lodokotela Ruth Labode umgcinisihlalo wekhomidi ebona ngezempilakahle edale lephalamende njalo elilunga lebandla leMDC-T.

Yenake uchasisa ngodaba lokuvikela igcikwane leHIV kulandela imbiko ethi ingcwethi kwezokuvikelwa kwegcikwane leli seziphume lesigxingi esigqokwa ensitha ngabesifazane, ivaginal ring ngesilungu, ukuze bavikeleke kugcikwane leli.

Ingcwethi lezi zithi ukuxwayisisa ezikwenzileyo kuveze ukuba phakathi kwabantu abathathu abasebenzisa lesi sigxingi ababili bavikelekile okuthembisayo kakhulu ukuthi loluhlelo luzehlisa inani labathelelwa leligcikwane.

ULabode uthi lanxa bengakezwa okunengi ngesigxingi lesi bazasamukela ngoba befuna ukwehlisa inani labathelelwa igcikwane.

Wengezelele esithi ilizwe leZimbabwe ngelinye lamazwe amalutshwana asenelise ukwehlisa inani labathola igcikwane le HIV.

"EZimbabwe udubo lwe HIV/Aids siyalungqoba ngoba sile straegy sokuthi ngomnyaka ka 2030 siyabe sesi reducile," kutsho uLabode.

Uthi sebenelise ukwehlisa inani labahlukulwazayo ngoba belegcikwane le HIV baphinda behlisa inani labathelelwa igcikwane kunye labafa bebulawa yingculaza.

ULabode uthi lanxa besenelisa ukwehlisa inani labathelelwa igcikwane udubo lukobontanga ikakhulu abaphansi kweminyaka elitshumi lasithupha.

"Ontanga bale problem yokuthi kabavunyelwa ngumthetho, iconstitution, ukuthi iage of consent yi 16 kodwa abantwana sebesiya emacansini beleminyaka engu 14 bona bengavunyelwa ngumthetho ukuthola amacondom," kutsho uLabode.

please wait
Embed

No media source currently available

0:00 0:05:30 0:00
Lapho esitholakala khona

XS
SM
MD
LG