amalinks wokungena

Breaking News

'Sizanqoba Kudaba Lokhetho Oluphanyekwe eConstitutional Court yiMDC Alliance'


Abalandeli bebandla leZanu PF.

Ibandla leZanu PF lithi lilethemba lokuthi lizanqoba kudaba lokhetho oluphanyekwe emthethwandaba ngumanyano weMDC Alliance othi ukhetho lolu alwenziwanga ngemfanelo.

Ibandla leli lithi udaba lolu kumele lulahlwe ngumthethwandaba ngoba kalufakwanga edale leli ngesikhathi esifunakalayo.

Umanyano weMDC Alliance uthi uMnangwga wancediswa yikhomishini eye Zimbabwe Electoral Commission ukuthi anqobe. Ngakho-ke bafuna ukuthi uMnu. Nelson Chamisa angene esihlalweni sikamongameli.

UMnu. Believe Gaule olilunga lebandla leZanu PF uthi umanyano lo uzadibana lamagqwetha abameleyo akhaliphe okumangalisayo.

Ingxoxo Esiyenze LoMnu. Believe Gaule
please wait

No media source currently available

0:00 0:01:18 0:00

UMnu. Job Sibanda, igqwetha elibona ngelungelo loluntu, uthi kunengi okungethulwa lidale leConstitutional Court.

Uthi abantu akumelanga bazikhohlise ngokuthi umthethwandaba ungethula abakufisayo.

Ingxoxo Esiyenze LoMnu. Job Sibanda
please wait

No media source currently available

0:00 0:03:15 0:00

Umanyano weMDC Alliance uthi ngamanga ukuthi uMnangagwa wanqoba kukhetho lolu ngoba balobufakazi obuveza ukuthi wadliwa nguChamisa.

Udaba lolu lukhangelelwe ukuthi luzaphathwa ngumthethwandaba okwensuku ezilitshumi lane.

UMnangagwa wathola amavoti ayisilinganiso sokwedlula kancane amatshumi amahlanu ekhulwini – 50.8 percent kwathi ke uChamisa wathol amavoti ayisilinganiso sokungamatshumi amane lane ekhulwini – 44.3 percent.

UMnangagwa uthi abantu sokumele bakhohlwe ngempumela yokhetho lolu babhekane lokwenzakala eZimbabwe.

Facebook Forum

XS
SM
MD
LG