Sizimisele Ukuxhasa iZimbabwe Ukuze Ivuselele Umnotho Wayo, Kutsho i-IMF

Umqondisi weInternational Monetary Fund (IMF) uNkosikazi Kristalina Georgieva uthi bazimisele ukubambisana lohulumende weZimbabwe emizaneni yokuletha ukuhlaliseka kwezenotho kanye lokuvuselela ubudlelwano balelilizwe lamanye amazwe.

UGeorgieva wethule amazwi lawa ngemva kokuhlangana lomphathintambo wezemali uMnu Mthuli Ncube lequla lakhe emhlanganweni omkhulu weIMF oqhutshelwa eWashington DC kweleMelika.

Uthe ukulungisisa ubudlelwano beZimbabwe lamanye amazwe yinto ebalulekileyo kakhulu ezakwenza ukuthi uhulumende enelise ukuboleka imali kumabhanga angaphandle.

IZimbabwe ayenelisi ukwenza lokhu khathesi ngenxa yezikwelede zayo kuIMF lakuWorld Bank ezingena kuma-billion alitshumi, US$10 billion.

Amazwi kaGeorgieva aza ngesikhathi umnotho weZimbabwe uqhubeka uwohloka kungelani lokwethulwa kwemali entsha eyaziwa ngokuthi yiZimbabwe Gold (ZiG) kunsukwana ezedluleyo.

Ingcwethi ehlaziya ezenotho njalo esebenza lenhlanganiso yeCommon Market Liberal Solutions uMnu Rejoice Ngwenya utshele iStudio 7 ukuthi ngaphandle kokuthi uhulumende weZimbabwe abhadale izikwelede zakhe njalo ahloniphe amalungelo okulondolozwa kwempahla yabanikazi, iIMF kulutshwana engakwenza.

Embed share

Ingxoxo loMnu Rejoice Ngwenya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:11 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala