Umanyano we SADC uthi iqula lesibli lizabuyela eSwatini ukuyakhulumisana lenhlanganiso ezizimeleyo kulandela udlakela kulelolizwe, ngesikhathi abantu bephakathi kokutshengisela besola abathi yikwephulwa kwelungelo loluntu nguhulumende okhokhelwa yinkosi uKing Mswati Wesithathu.
Umongameli weBotswana uMnu. Mokgweetsi Masisi, ongumgcinisihlalo wogatsha olubona ngezomvikela kulumanyano, olwe SADC Organ Troika on Politics, Defence, and Security, wethule umbiko ngoLwesibili lapho agcizelele ukuthi ngempela kukhulunyiswane leziphathamandla zikahulumende lengcosana yenhlanganiso ezizimeleyo ngenxa yokusilela kwesikhathi.
Inhlanganiso ezizimeleyo besezivele zakhonona ngokuthi azitholanga ithuba lokuhlangana laleliqula, ebeligoqela iziphathamandla zeSouth Africa, Zimbabwe, leBotswana.
Umongameli Masisi uqhubeke wathi iqula lakhe liqhube uphenyo ngokwenzakala eSwatini njalo lakhuthaza ukuthi uhulumende akhulumisane labantu bakhe ukwenzela ukuthi kube lokuthula.
Asizweni umbono kaMnu. Zenzo Nkomo, ingcwethi ecubungula ezombusazwe ngaloludaba.