amalinks wokungena

Breaking News

Kubhubha Umuntu Obezama Ukuhlenga Ababhidlikelwe Ngumgodi Wegolide


Izakhamizi zeRan Mine, eBindura

Sokuloyedwa usebhubhile phakathi kwalabo abazama ukuhlenga otsheketsha abangamatshumi amane-40, abawelwe yingozi yokudilikelwa ngumgodi owenjiwa ilitshe eliligugu elegolide emgodini weRan Mine oseBindura.

Okuveza ukuba amathuba okuhlwengwa kwalabo abehlelwe yingozi eyenzakale ngoLwesithathu lweviki edluleyo aqhubekela phambili encipha.

UMnu Blessing Bere, obhubhe ngeSonto, ezama ukufaka impompi yokumunya amanzi emgodini lo, ngomunye wezakhamizi zakulindawo ezimanyene zabambisana emizameni yokuhlenga abangamatshumi amane laba njengoba bekukhanya kungela sizo oluvela kuhulumende oluphuthamayo.

Ekhuluma ekule indawo omunye walabo ababone lokhu kusenzakala uMnu Owen Dliwayo uthi kakulasizo njalo akulathemba ukuba abantu abadilikelwe ngu mgodi lo bazasinda.

“Kuzwisa usizi. ngoba okwakuqala, lapho kulengozi abantu bakhangela abantu abayabe besengozini bekhohlwe ngezihlobo zabo loba omkabo. Badinga usizo lokukhulunywa labo, lokuphiwa ukudala. Abanye babo bavela khatshana endaweni ezifana le Rusape”

Uqhubeke esithi isehlakalo lesi sitveza ukuba ele Zimbabwe kalilungelanga ukulwisana lengozi ezifana lale ngoba kungela ndlela zokukhulumisana lezihlobo zalabo abawelwe yilingozi.

“Kufunakala ukuba kube lendlela zokukhuluma lezihlobo zabo ukuze bebekwazi ukuba kwenzakalani. Ukuba ukukhitshwa kwabo sekusiphi isibanga njalo kungani kuthatha isikhathi. Ugatsha lwezokwembiwa elizweni kalwenzi okufaneleyo ukulungisa udaba lwabantu abemba okungekho emthethweni”

Abenhlanganiso ye Centre for Natural Resource Governance (CNRG), ebona ngezamalungelo emsebenzini wokulondolozwa kwezemvelo bathi lesi ngesinye sezehlakalo ezinengi ezitholakala emsebenzini wezokwemba kungatholakali usizo oluphuthumayo.

Ngomnyaka odluleyo kulomgodi owadilikela otsheketsha emhlubulweni weMatebeland eSigodini, abanengi balimala.

UNkosana Simiso Mlevu oyisikhulumele se CNRG uthi kumele igqitshelwe imigodi eyacina ukugejwa kudala.

“Okufanele kwenziwe ukuze izehlakalo zabantu abadilikelwa yimigodi kweleZimbabawe ziphungulwe yikukthi imigodi egejwa ngamakampani amakhulu nxa isithe yavalwa kumele igqitshelwe. Okumqokakakhulu yikuthi uhulumende alungise umnotho we lizwe”

Ugcizelele esithi kumele uhulumende alungise udaba lomnotho elizweni ukuze udubo lwabotsheketsha luphungeke.

“Ukudilika kwemigodi kubangelwa yikuba otsheketsha basaka badideke kakhulu. Okwenza badilize imiduli eyabe ibambe inhlabathi ukuthi ungadilikeli”

Umqondisi wohlangothi lukahulumende olubona ngokuhlengwa kwabantu engozini zemvelo lokuvikelwa kwazo, olwe Civil Protection Unit , uMnu. Jonathan Nkomo utshele iStudio 7 ukuba njengoba umthetho uvumela abantu makhaza ukuthi bancedise ngezikhathi zobunzima lengozini zezemvelo bona njengohulumende labo kuzamele bancedise emngcwabeni kaMnu. Bere. Ekubuzweni ukuthi sebengaphi emizameni yokuhlenga abawelwe yingozi, uNkomo uthe okwamanje lokhu belwisana lokudonsa amanzi emgodini lo, obulesikhathi eside ungasetshenzwa.

Facebook Forum

XS
SM
MD
LG