amalinks wokungena

Breaking News

Izakhamizi Sezithola Inhlanyelo Ethengwe Nguhulumende


Uhulumende weZimbabwe usetholise iziqinti eziyisikhombisa zesigaba seMatabeleland North okokulimisa okugoqela inhlanyelo yomumbu, amabele lemvundiso yohlobo lweCompound D leAmmonium Nitrate.

Umqondisi wolunye uhlangothi kugatsha lwezokulima esigabeni seMatabeleland North, uMnu. Dumisani Nyoni, uthi iziqinti zonke eziphansi kwesigaba sakhe sezitholile inhlanyelo lemvundiso.

''Uhulumende ulenhlanyelo yomumbu lamabele ayipha abalimi bengabhadalanga. Abalimi botshinda ababhadali lutho bazaphiwa tilakitha yokulima ihectare bengabhadalanga. Abazalima umumbu kumbe amabele bazaphiwa i10 kilograms lesaka elilodwa leAmmonium Nitrate leCompound D ...''

UNyoni uqhubekele phambili ekhuthaza abalimi ukuba balime izilimo ezincane ezinjengamabele ngoba zivuthwa masinyane.

''Besibhoda emakhaya labalimi sibabonisa ngesimo somkhathi. Sikhangelele ukuba umlimi abelolwazi olujulileyo ukuze alungiselele ukulima njalo sikhangelele ukuba abalimi balime izilimo ezivuthwa masinya ezibalisa amabele, inyawuthi, indlubu lamazambane.''

Lonyaka uNyoni uthi ingcwethi zomkhathi zithi izulu lizabe lilutshwana ngakho-ke abalimi kumele balime ngonanzelelo.

''Ihlandla lakuqala uLwezi lo Mpalakazi lizakuba linengi izulu kodwa kusukela ngoZibandlela kusiya kuMbimbitho izulu lilakho ukuhamba izulu kubangele ukuba izilimo zingavuthwa masinyane yikho sikhuthaza ukuthi abalimi balime izilimo ezivuthwa masinyane.''

UNkosikazi Modi Ncube, ophuma eNdiweni Village, uthi abantu abanengi kabatholi inhlanyelo lemvundiso.

''Asazi ukuthi sizalima ngani lonyaka, lokuthi inhlanyelo sizayithola loba fertilizer, ngoba kufunakala izulu. Asazi ukuthi sizayithola inhlanyelo ngabe uhulumende uyangenela asitholele abantu abangasipha inhlanyelo basigebhele lemigodi yamanzi.”

Isigaba lesi sitholiswe amathani enhlanyelo yomumbu phose ayinkulungwane - 970, amathani amabele phose afike amakhulu amabili - 180 tonnes, imvundiso yohlobo lweCompound D engamathani azinkulungwane ezinhlanu lengxenye -5,500 lamathani afanayo njalo wohlobo lweAmmonium Nitrate.

please wait

No media source currently available

0:00 0:03:49 0:00

Facebook Forum

XS
SM
MD
LG