amalinks wokungena

Breaking News

Sokuqalisile Ukuthethwa Kwecala Lokuphehla Umvukela Eletheswa uTrump


Capitol Hill protests
Capitol Hill protests

Ukuthonisiswa kukaMnu Donald Trump lidale leSenate kuqale izolo lapho abatshutshisi bebandla lamaDemocrats abaveze khona ubufakazi bodlakela abathi lwadalwa ngabasekeli bakhe ephalamende ngemva kokutshotshozelwa nguye uTrump.

Ubufakazi lobu ngobama-video odlakela olwenzakala ngenyanga edluleyo uTrump ezama ukwalela embusweni ngemva kokunqotshwa nguMongameli Joe Biden.

Amagqwetha kaTrump wona athe iphalamende ayilalungelo lokumethesa icala ngohlelo lwe-impreachment ngoba sowasuka embusweni.

Iphalamende ivotile phezu kwalokhu abanengi bavotela ukuthi idale leli lilawo amandla ngakho udaba lolu kumele luqhubeke.

Ingcwethi zithi uTrump ulakho ukufunyanwa emsulwa ngoba amalunga ebandla lakhe elamaRepublicans esima laye njalo ambalwa kuphela kuyiwo asekela amaDemocrats kudaba lokumfumana elecala.

Engatholakala elecala uTrump ulakho ukuvinjwa ukuncintisa njalo edinga ukungena yiloba yikusiphi isikhundla.

Igqwetha lakhe lithe lokhu yikho okuzanywa ngamaDemocrats ngoba esesaba ukuthi engancintisa njalo kukhetho awanqobe.

Intathelisindaba uMnu Simbarashe Nembaware utshele iStudio 7 ukuthi ukuthethwa kwecala leli yikudlalisa isikhathi ngoba uTrump uzafunyanwa emsulwa.

please wait

No media source currently available

0:00 0:02:31 0:00

XS
SM
MD
LG