amalinks wokungena

Breaking News

UCyril Ramaphosa Uthi Sokubulewe Abantu Abalitshumi Kudlame Olwenzakala eSouth Africa


South Africa Unrest

UMongameli Cyril Ramaphosa uthi kulabantu abalitshumi asebebulewe kudlame oluqhamuke kwele South Africa ngoMvulo. Uthi ababili ababhubhe kudlame lolu ngabadabuka kwamanye amazwe.

Inkampani yezindaba kwele South Africa eyeENCA ibika ukuthi uRamaphosa ubekhuluma emhlanganweni obuhlaziya ilungelo labesifazana. Kavezanga ukuthi ababili abangayisizo zizalwane zakwele South Africa ababhubhileyo badabuka ngaphi.

Kusenjalo, kulabanye abadabuka kwele Zimbabwe abathi bahlaselwe yizizalwane zakwele South Africa ezikhala ngokuthathelwa imisebenzi njalo langokuthengiselwa izidakamizwa.

Lobanje ukukhahlanyezwa kwabantu bokuza kungani kumi kancane endaweni ezitshiyeneyo, kulabanye abathi baphume engozini empondozankomo namuhla endaweni ezinjenge Katlegong duzane leJohannesburg, eGermiston kanye leThokoza lapho obekuhlaselwa khona abantu bokuza.

Kubikwa ukuthi kulabantu abambalwa asebebulewe kudlame lolu oluchothozwe nguMongameli Cyril Ramaphosa, uMongameli Emmerson Mangagwa leyinye inkokheli yezwekazi leAfrica.

Abahlaselwe ngoMvulo bagoqela uMnu. Emmanuel Manyere, otshayela imota enkulu eyeSouth Africa.

Utshele iStudio 7 ukuthi batshisa indlu yakhe eJeppestown duzane leJohannesburg ngoMvulo bamtshiya ematasatasa.

'Bahlasele Endlini Engihlala Khona eJeppestown Batshisa Yonke Impahla Yami'
please wait

No media source currently available

0:00 0:01:28 0:00


Siphinde saxoxa loMnu. Msunduzwa Ndlovu, ophose wasuselwa amanqe ngabadabuka kwele South Africa abahlasele isitimela eThembisa ngesikhathi esiya emsebenzini.

Msunduzwa Ndlovu: Baphose Bangisusela Amanqe Esitimeleni eSouth Africa
please wait

No media source currently available

0:00 0:01:35 0:00


Sixoxe njalo lomunye wabafuna ukuthi kususwe abantu bokuza abasebenza kwele South Africa bengela maphepha aqondileyo okuhlala kulelolizwe.

Insizwa le edlelana leAll Truck Drivers’ Foundation kanye lenhlanganiso yeMzansi Wethu, ecele ukuthi singavezi igama lakhe, uthi akumelanga izizalwane zakwele South Africa zihlasele abantu bokuza.

Uthi bakhangelele ukuthi bazakwenza umhlangano omkhulu ngeSonto lomphathintambo wezekhaya, uMnu. Bheki Cele, abafisa ukumbuza ukuthi abantu bokuza baphuma nini kwele South Africa.

'Siqhubekela Phambili Ngokuxotsha Abantu Bokuza Kwele South Africa'
please wait

No media source currently available

0:00 0:02:00 0:00


Facebook Forum

XS
SM
MD
LG