amalinks wokungena

Breaking News

Abadabuka eZimbabwe Abahlala Kwele South Africa Bafuna Ukuyabona Izihlobo Ngekhefu leKhisimusi


Inengi labantu abadabuka eZimbabwe abahlala kwele South Africa bathi bakhangelele ukuthi bazabe sebesekhaya ngosuku lweKhisimusi zisidla okutshiyenelo lezihlobo labangane kungakhathalekile ukuswelakala kwemali lokunye okuhlupha uzulu elizweni.

Ngenxa yobunzima lobu banengi abangasoze benelise ukuya ekhaya lonyaka lobanje bakhona abanye abahambayo.

UMnu. Sifiso Khulumani Ngwenya uthi loba kunzima liyakusa elange Khisimusi elezihlobo labangane ekhaya.

“Ngizalwa eZimbabwe. Abazali bami baseZimbabwe so, it is very important ukuthi lami ngihambe ngiyebona abazali bami ngibenabo sibonge uNkulunkulu ukuthi umnyaka uphelile singabaphilayo.”

UNkosikazi Silibaziso Caroline Ncube laye uyahamba eZimbabwe. “Into engiyijabuleleyo ngizabe ngihlangene lezihlobo zami zonke kulusuku lukagogo wami simenzela ibirthday party yakhe ekwanisa iminyaka eyi 135. Kuyisibusiso kithi abazukulu bakhe. Asijabuleni sonke.”

UMnu. Godknows Sibanda uthi nyakenye isimo simalele ukuya ekhaya kodwa lonyaka walile.

“Lonyaka lakanjani, ngizabe ngisekhaya ngijayiva khonale ngisidla ikhisimusi labazali bami.”

UMnu. Aaron Dube uthi ngeke kwenze ukuthi kudlule iKhisimusi engangenanga esibayeni sakhe eFilabusi athole ugazana.

“Ngizabe ngisidlanje iChristmas lengane zami sijabula singumdeni kungekho okubi, ngibona abangane lezihlobo akade ngabacina. Ngifisela bonke iChristmas enhle nonyaka omusha.”

Kodwa-ke uMnu. Farai Goodmore Mudzembwe ngomunye wabathi umoya ubuvuma kodwa isimo somnotho sala.

“Kungangcono okuyimadlanyana engilakho lokhu ngithumele ekhaya basizakale kulokuthi ngiyefika mina ngingelalutho. Ngizokuya enkonzweni ngikhulekele ilizwe. Lilizwe lendlala lezinyembezi.”

Udaba Esilethulelwe NguBenedict Nhlapho
please wait

No media source currently available

0:00 0:02:28 0:00


Facebook Forum

XS
SM
MD
LG