amalinks wokungena

Breaking News

ISports Commission Isihlolisisa Okwehlela Iqembu leWarriors eGibhithe


Egypt Africa Cup Soccer
Egypt Africa Cup Soccer

IKhomishini ebona ngezemidlalo eyeSports and Recreation Commission isihlolisisa okwenzakala kuqembu leZimbabwe Warriors elakha phansi kumncintiswano weAfrica Cup of Nations.

Ikhomishini le ifisa ukubakwazi ukuthi kwahamba njani kwele Gibhithe lapho iqembu leli elanqotshwa khona ngele Democratic Republic of Congo 4-0 kumdlalo wesibaya sika Group A. IZimbabwe Warriors yiyo eyacina ijeke ingalane yemiklomelo esibayeni lesi.

ISports Commission ifisa ukubakwazi njalo ukuthi inhlanganiso yeZIFA yathola ngaphi imali yokuhambisa kwele Gibhithe abantu ababesekela iqembu leli lokuthi bakhethwa njani.

Kodwa kayidingi ukubakwazi ngokukhulunywa nguzulu lamaphephandaba ukuthi abanye abakuqembu leli kuthiwa bafumbathiswa ngabadabuka kwele DRC ukuthi badlise iZimbabwe Warriors.

Ingcwethi kwezemidlalo uMuziwethu Hadebe uthi akumangalisi okudingwa yiSports Commission.

Ingxoxo Esiyenze LoMuziwethu Hadebe
please wait

No media source currently available

0:00 0:02:10 0:00

XS
SM
MD
LG