Isonto yeThe Apostolic Church in Zimbabwe isisole udaba lokwendiswa kwamantombazana isithi yona ayilani lokwenza lalumkhuba.
Lisonto ithi yehlukene kakhulu lamapostoli agqoka ezimhlophe, ayiwo endisa abantwana lanxa lokhu kungaphandle komthetho.
Ithi yethule lumbiko ukuze izehlukanise lamapostoli la kulandela ukubhubha kwentombazana ebileminyaka yokuzalwa elitshumi lane, 14, uMemory Machaya.
UMachaya wendiswa ngabazali bakhe wasebhubha ngesikhathi ebeletha ngenyanga edluleyo esesontweni esigabeni seMarange.
Le yinto esisolwe kakhulu ngumphathintambo obona ngendaba zabesifazana uNkosikazi Sithembiso Nyoni kanye lamapholisa, wona athi asadingisisa.
Umholi weThe Apostolic Church in Zimbabwe uReverend Levy Moyo utshele iStudio 7 ukuthi isonto yakhe iyakusola kakhulu ukwendiswa kwabantwana njalo yona ayikwenzi lokhu.
