amalinks wokungena

Breaking News

UThokozani Khupe Uthi Uselomkhuhlane weCOVID-19


UNkosazana Thokozani Khupe labanye abalandeli bebandla leMDC-T

UNkosazana Thokozani Khupe, okubandla leMDC-T, uthi usehlolwe watholakala elomkhuhlane weCOVID-19.

UMaKhupe wethule umbiko enkundleni yokuxhumana eyeTwitter esithi uhlolwe ngoLwesithathu kulandela ukungezwa kahle emzimbeni.

“Sengihlolwe ngatholakala ngilomkhuhlane weCOVID-19. Sengizivalele kweyinye indawo. Ngicela lingikhulekele.”

Isikhulumeli sakhe, uMnu. Khaliphani Pugeni, utshele umsakazo weStudio 7 ukuthi uMaKhupe uhambe wayahlolwa kulandela ukutshisatshisa komzimba wakhe.

UPugeni uthi ukhulume laye wazwakala engumuntu obezisebenzela lobanje esezakuma kancane ukusebenza gadalala.

Uthi uMaKhupe ufisa abantu babekwazi ukuthi umkhuhlane lo ukhona emphakathini ngakho-ke kumele bazivikele ngokusebenzisa ama-masks, ukugeza izandla njalo lokungayi okulabantu abanengi.

Sokulabantu abedlula inkulungwane ezilitshumi lantathu – 13,625 asebehlolwe eZimbabwe batholakala bele COVID-19 kusukela ngoMbimbitho lonyaka. Abedlula inkulungwane ezilitshumi lanye – 11,154 sebaphepha kumkhuhlane lo. Abafika amakhulu amathathu lamatshumi ayisithupha – 360 sebabhubha.

Emhlabeni wonke jikelele, isibhedlela seJohns Hopkins University sibika ukuthi sokulabantu abedlula izigidi ezingamatshumi ayisificaminwemibili – 83 million asebahlolwa batholakala bele COVID-19. Abafika phose izigidi ezimbili – 1,8 million sebabulawa ngumkhuhlane lo.

Facebook Forum

XS
SM
MD
LG