amalinks wokungena

Breaking News

UThokozani Khupe Uthi Usekhokhela iMDC-T Kulandela Ukuzixotshisa Kuka Douglas Mwonzora Kubandla Leli


UNkosazana Thokozani Khupe (Photo: Bathabile Masuku)
UNkosazana Thokozani Khupe (Photo: Bathabile Masuku)

UNkosazana Thokozani Khupe, omiswe ukuba lilunga leMovement for Democratic Change (MDC-T) ngoLwesine, uthi usekhokhela elakhe icele lebandla leli.

UMaKhupe wethule lokhu ngoLwesihlanu koBulawayo ekhuluma lentathelizindaba kulandela okwethulwe libandla leli elithe usemiswe okwesikhatshana ukuba lilunga leMDC-T.

Uthe uMnu. Douglas Mwonzora, owalobelela iZimbabwe Electoral Commission (ZEC) incwadi ekuqaleni kuka Zibandlela esithi nguye okhokhela ibandla leMDC Alliance, usezixotshise kubandla leMDC-T.

UMaKhupe uthe kusukela ngoLwesihlanu uzakhokhela ibandla leli ngendlela elandela isisekelo sombuso welizwe hatshi okwenziwa nguMwonzora, okhokhela okungaqedakaliyo.

Kodwa uMnu. Witness Dube, obona ngokwethulwa kwemibiko kubandla leMDC-T, uthi uMaKhupe ukhuluma angakwaziyo ngoba usemiswe ukuba lilunga lebandla leli.

UNkosikazi Nomvula Mguni, ilunga lephalamende, uthi abafuni ukuthi kube lokuhlukanisa abantu kubandla labo.

"Ubuhlungu obukhona yikuthi thina sifuna ukuthi abantu bonke babe khona ngoba leyi yiproject yabantu. Kodwa nxa sekufika isikhathi sokuthi those that are in power sebesehlukanisa abantu bekhethe abanye abantu abangakhethwanga ngama structures kusuka kusihluphe. Thina sifuna abantu bonke babephakathi ngoba this is a people’s project batsho bona ukuthi bafuna siyengaphi ngoba abantu abadubekayo yibo ukwedlula thina ama leaders.”

UMnu. Samson Mpeni, owebandla leMDC- T ongumabhalani wakoBulawayo, uthi bayamsekela uMaKhuphe ngokuthi sokwanele.

Osakhulayo uNqobizile Moyo njalo oyisikhulumeli sabatsha kubandla leMDC T, uthi uhambo abaluhambe loMaKhuphe selufike lapho okubajabulisa khona.

Ezinye ingcwethi ezicubungula ezombusazwe zithi okukhulunywa nguMaKhuphe ukuthi uMwonzora uyebhalisa kwabe ZEC esithi ungumkhokheli weMDC Alliance kulakho ukuthi kumnike amandla okumxotshisa edale lephalamende.

Kodwa kulezinye njalo ezithi ulakho ukubhekana lenkinga njengoba ingcwadi zokuxotshisa abantu edale lephalamende kumele zilotshwe ngunobhala jikelele webandla, uNkosazana Paurina Mpariwa, yena okucele likaMwonzora.

Inengi liveze ukukhathazeka ngokudabuka phakathi kwamabandla aphikisayo ngale indlela, ikakhulu khathesi sokulungiselelwa ukhetho hatshi olwema by-elections kuphela kodwa lalolo olomnyaka ozayo olwelizwe lonke.

XS
SM
MD
LG