Owayengumphathintambo wezabelo njalo eqoqa inhlelo zebandla leZanu PF, uMnu. Savior Kasukuwere, uphindile ekhaya ngoLwesibili ngemva kwengxenye yomnyaaka esuke ebaleka ngesikhathi kuguqulwa umbuso kaMongameli Robert Mugabe.
UKasukuwere ufike egcekeni lendizamtshina eye Robert Mugabe International Airport eHarare evele kwele South Africa.
Phambilini kokufika kwakhe, bekulexuku lamalunga ebandla leZanu PF abelitshengisela liphethe amabhakani alotshwe ukuthi ‘Kabotshwe uKasukuwere’, ‘Imali Yethu Siyayifuna’ lokunye.
Uthe esehla endizamtshineni watshela intathelizinindaba ukuthi usephendukile ekhaya ukuzoziphumelela hatshi ukuzokhokhela ibandla leNational Patriotic Front njengalokho okuphume kwamanye amaphephandaba.
Amapholisa ensitha ahle amdumela ngemibuzo kodwa amkhulula wazihambela emzini wakhe.
Ukuhlaziya loludaba sixoxe lengcwethi ecubungula ezombusazwe, uMnu. Rejoice Ngwenya.
