amalinks wokungena

Breaking News

Amapholisa kaManisipala wakoBulawayo Adudulele Phandle uTinashe Kambarami Ezama Ukubuyela Esikhundleni Sakhe


UMnu. Tinashe Kambarami

UMnu. Kambarami uthi ukuxotshwa kwakhe ukuba ngumsekeli kamayor lokuba ngukhansila ka ward three libandla leMDC-T akusebenzi ngoba wayesevele wamiswa ngumthethwandaba ngaleso isikhathi.

Kuqhamuke ingxabangxoza emhlanganweni omkhulu we full council meeting koBulawayo ngoLwesithathu kuze kufike owayengumsekeli kamayor walelidolobho uMnu. Tinashe Kambarami ezama ukuphatheka kuwo, kulandela isinqumo somthethwandaba ngeviki edluleyo, esathi ulungele ukuphatha lesi isikhundla.

Imfanekiso ebulenjini ibonisa uMnumzana Kambarami edonswa ngamapholisa ekhansili edlula ayisithupha emkhuphela phandle, njalo leyo etshengiswa ekhasini leFacebook yekhansili ihle yamiswa.

Inhlanganiso ye1892 Mthwakazi Restoration Movement Trust kanye loNkosazana Nomalanga Dabengwa bamangalela uMnu. Kambarami emthethwandaba ophezulu owe High Court besithi kafanelanga ukuphatha lesi isikhundla ngoba wake watholakala elecala, kodwa i-supreme court iphikisile lesi isinqumo yathi engaqhubeka.

UMnu. Kambarami uthi ukuxotshwa kwakhe ukuba ngumsekeli kamayor lokuba ngukhansila ka ward three libandla leMDC-T akusebenzi ngoba wayesevele wamiswa ngumthethwandaba ngaleso isikhathi.

Uthi wathumela ekhansili incwadi echaza isinqumo somthethwandaba esikhomba ukuthi engabuyela emsebenzini, njalo amagqwetha akhe azakuphinda lokhu.

Asenelisanga ukukhuluma lomayor wedolobho lakoBulawayo uMnu. Solomon Mguni kanye lebandla leMDC-T ngaloludaba ngesikhathi sisiya emoyeni.

please wait

No media source currently available

0:00 0:02:51 0:00


Facebook Forum

XS
SM
MD
LG