amalinks wokungena

Breaking News

Ukwanda Kwamapholisa Emigwaqweni Kubhidliza Amabhizimusi Ezokwethekelela


Umkhokheli wenhlanganiso yeZimbabwe Council for Tourism, uMnu. Tich Hwingwiri (ophakathi kwababili laba) wethula okumunyethwe yinhlanganiso yekhe emhlanganweni eHarare.

Abohlangothi olubona ngezokwethekelelwa kwelizwe baqhubeka bekhala ngodaba lokwanda kwamapholisa emigwaqweni yelizwe besithi lokhu kuphazamisa umsebenzi waloluhlangothi oluthuthukiswa yikwanda kwezethekeleli.

Lokhu ngokunye kokuvezwe yiziphathamandla zaloluhlangothi, emhlanganweni lentathelizindaba, wokwazisa ngesimo somsebenzi kuloluhlangothi.

Umkhokheli wenhlanganiso yeZimbabwe Council of Tourism, uMnu. Tich Hwingwiri, utshele lumhlangano lo ukuba udubo lokwanda kwamapholisa emigwaqweni luqhubeka luphazamisa ukungena kwezetheli elizweni.

UMnu. Jeffrey Moyo, oyintathelizindaba esebenza izimele, uthi uMongameli Robert Mugabe nguye ongakuqeda lokhu.

Abe Zimbabwe Council for Tourism bathi bakhangelele ukuba izophathisa leyo mihlangano abayingenayo ukubonisana ngaloludaba lwamapholisa emigwaqweni.

Abanye abangene umhlangano owenzelwe emawofisini e Zimbabwe Council for Tourism.
Abanye abangene umhlangano owenzelwe emawofisini e Zimbabwe Council for Tourism.

Bathethe lelinyathelo ukwemukela ngenjabulo isinqumo esithethwe ngumphathintambo wezemali, umnumzana Patrick Chinamasa, ukumisa imizamo yabe ZIMRA, ukubahlawulisa imali yomthelo we VAT, ekudleni lokunathwayo okwathengiswa ngabakuloluhlangothi, phakathi kuka 2009 lo 2015.

Ngaleso sikhathi, inengi labakuloluhlangothi, babesala ukuwuhlawula lumthetho, bethi ngoba abe ZIMRA, babengacaci ukuba basekelwa yini njengoba lomthetho wawungekho, owawubapha lawo mandla.

Ekubekweni kwawo nyakenye, kulapho abamankampani aphatheke kwezokwethekelelwa kwelizwe, aqale khona ukuwuhlawula.

Kodwa abe ZIMRA sebangabafuna ukuba abakuloluhlangothi bahlawule lumthelo we VAT, kubuyelwa kumnyaka ka 2009, okuyona daba oselungenelwe ngumphathintambo wezemali, umnumzana Patrick Chinamasa.

Lokhu kumunyethwe engcwadini eyalotshwa mhla ka 18 kuyonale inyanga kaNtulikazi, iqondiswe kumphathintambo wezokungena kwezethekeli eZimbabwe, uDr Walter Mzembi, lapho umnumzana Chinamasa ekubeke sobala ukuba, abakuhlangothi lolu, mabangahlawuliswa leyo mali esifunwa ngabe ZIMRA.

Facebook Forum

XS
SM
MD
LG