WASHINGTON —
UMongameli welinye lamacele eMDC, uMnu. Morgan Tsvangirai usephinde njalo wathi nxa engehluleka ukungqoba kukhetho oluzayo uzasuka esihlalweni.
Ngenyanga ka Mfumfu uTsvangirai uke wakhuluma amazwi afanayo kodwa kusasa kwakhona wavuka esithi wayezidlalela nje kuphela.
Kodwa ngoLwesithathu, uTsvangirai uphindile emhlanganweni awenze lenkokheli yesigaba seMasvingo wengeza wathi njengoba uzulu wamkhetha ukuthi akhokhele lelibandla uzulu nguye njalo olamandla okuthi asuke esihlalweni.
UMnu. Tsvangirai uphinde wakhuthaza abasekeli bakhe ukuthi bengalwisani kodwa belungiselele ukuthi ibandla leli yilo elizabusa ngemva kokhetho oluzayo.
Lumhlangano ubulenye njalo inkokheli egoqela umsekeli kaTsvangirai, uNkosazana Thokozani Khuphe lonobhala jikelele walelibandla, uMnu. Tendai Biti.
Umsekeli wesikhulumeli sebandla leli, uMnu. Joel Gabhuza utshele uChris Gande weStudio 7 ukuthi uhlelo lwebandla lakhe lokubhodabhoda ngezigaba luzagqitshwa ngoLwesine.
Kusenjalo, umgcinisihlalo wesigaba seMatebeleland North kulelibandla, uMnu. Sengezo Tshabangu utshele uSithandekile Mhlanga weStudio 7 ukuthi akusiqiniso ukuthi kulokulwisana kulesisigaba njengalokhu okuphuma kwamanye amaphephandaba.
Ngenyanga ka Mfumfu uTsvangirai uke wakhuluma amazwi afanayo kodwa kusasa kwakhona wavuka esithi wayezidlalela nje kuphela.
Kodwa ngoLwesithathu, uTsvangirai uphindile emhlanganweni awenze lenkokheli yesigaba seMasvingo wengeza wathi njengoba uzulu wamkhetha ukuthi akhokhele lelibandla uzulu nguye njalo olamandla okuthi asuke esihlalweni.
UMnu. Tsvangirai uphinde wakhuthaza abasekeli bakhe ukuthi bengalwisani kodwa belungiselele ukuthi ibandla leli yilo elizabusa ngemva kokhetho oluzayo.
Lumhlangano ubulenye njalo inkokheli egoqela umsekeli kaTsvangirai, uNkosazana Thokozani Khuphe lonobhala jikelele walelibandla, uMnu. Tendai Biti.
Umsekeli wesikhulumeli sebandla leli, uMnu. Joel Gabhuza utshele uChris Gande weStudio 7 ukuthi uhlelo lwebandla lakhe lokubhodabhoda ngezigaba luzagqitshwa ngoLwesine.
Kusenjalo, umgcinisihlalo wesigaba seMatebeleland North kulelibandla, uMnu. Sengezo Tshabangu utshele uSithandekile Mhlanga weStudio 7 ukuthi akusiqiniso ukuthi kulokulwisana kulesisigaba njengalokhu okuphuma kwamanye amaphephandaba.