amalinks wokungena

Breaking News

Tsvangirai: UGorden Moyo Ngeke Asuswe Esikhundleni


Gorden Moyo
Umkhokheli weMDC-T uMnu Morgan Tsvangirai uthi iprovince yebandla lakhe koBulawayo ayingeke isuse umgcinisihlalo wayo esikhundleni uMnu Gorden Moyo ngoba engazange aphatheke emhlanganweni wecele elikhokhelwa nguMnu Tendai Biti owaqhutshelwa eMendel kanti njalo uku leave.

Ekhuluma leStudio 7 ngoLwesibili uMnu Tsvangirai ulandule imbiko yokuthi uvumele iprovince yakoBulawayo ukuthi iqhubekele phambili ngenhlelo zayo, ezigoqela ukususa uMoyo esikhundleni ngoba ebikwa esekela uBiti.

Obona ngokuqhutshwa kwenhlelo zeMDC-T koBulawayo uMnu Albert Mhlanga utshele lumsakazo ngoMvulo ngemva kokuhlangana loTsvangirai ukuthi ubavumele ukuthi baqhubeke lanxa uNkosazana Thokozani Khupe ubevimbe imizamo yabo yokususa uMoyo esihlalweni.

Kodwa uTsvangirai ukulandule lokhu esithi uMhlanga umqambele amanga.

"Ngizwe izolo uMhlanga ekhuluma emoyeni ngezinto engingazange ngizikhulume laye," kutsho uTsvangirai ekhuluma ngolimi lwesiShona.

"Ukhulume ngomhlangano wabo weprovincial council mina ngamtshela ukuthi kumele batshiyane lemihlangano enjalo benze amaworkshop okufundisa abasekeli bethu ngesikumelayo njengebandla, njengokutsho kukaMakhupe.

"Ngeke ngiphikisane loMaKhupe mina ngoba ngumsekeli wami, sisebenza sonke. Uthe ekhuluma ngodaba lukaGorden Moyo uMhlanga ngamtshela ukuthi uGorden ngeke exotshwe ngoba uku leave, njalo kazange aphatheke emhlanganweni owaqhutshwela eMandel.

"Ngemva kokulalela uhlelo izolo ngimthumele iSMS uMhlanga ngimtshela ukuthi ngidane kakhulu ngamazwi akhe."
XS
SM
MD
LG