amalinks wokungena

Breaking News

U-Bulawayo Uthola Usizo Lwemotha Ebutha Izibi.


Imotha ebutha izibi

Izakhamizi zakoBulawayo ziveza ukukhathazeka okukhulu ngokungabuthwa ngesikhathi kwezibi, zisithi lokhu kulakho ukudala ukuqhamuka kweminye imikhuhlane nanku idolobho lingelinye elihamba phambili kundawo ezilenani eliphezulu labatholakala beleCovid-19.

Imizi eminengi yakoBulawayo ikakhulu emalokitshini lenzikini yedolobho kubikwa kungasakhangeleki ngoba sokulengcekeza ndawana yonke edolobheni ebelidume ngokulondoloza ukuhlanzeka elizweni lonke, ikakhulu ngalezi zikhathi ilizwe lomhlaba jikelele usesabela umonakalo odalwa yikuqhamuka kwe-COVID-19.

Isakhamuzi sakoBulawayo uNkosikazi Ratidzo Nyanzira uthi ukungbuthwa kwezibi enzikini yedolobho sekudale ukuqhamuka kodubo lwempukane.

“Sesilenkinga koBulawayo esikhathini esinengi sesilengcekeza indawo yonke amabhimi awaneli sekulobutshapha njalo lekhansili ayisabuthi izibi futhi sekumele ijezise abangcolisayo ngoba uBulawayo wayeyindawo ehlanzekileyo. Akube lezijeziso, ukungalahli izibi mahlayana sigcine uBulawayo ehlanzekile.Unganazelela izibi azisabuthwa ngitsho lasenzikini yedolobho sekulempukane okulakho ukudala imikhuhlane.”

U-Mnu Ben Moyo Ilunga lenhlanganiso eyeBulawayo Progressive Residents Association, uthi njengenhlanganiso yezakhamizi bakhathazekile ngobutshapha obuvezwa yikungabuthwa kwezibi.

“Idolobho lakoBulwayo lilembali yokuhlala lihlanzekile uma sesibona kulengcekeza engabuthwayo akusasiphathi kuhle ngoba kuke kwabalesihudo eLuveve leTshabalala njalo konke lokhu kuhambelana lokungahlanzeki kwedolobho. Ngesikhathi sekhefu lekhisimusi lomnyaka omutsha kubelezibi ezinengi kuqakathekile ukuthi ikhansili ithathe inyathela ibuth izibi.”

Umsekeli kameya wakoBulawayo, uKhansila Mlandu Ncube uthi ikhansili ithole usizo lwezimota zokubutha izibi kulunga ledale laphamende emele iBulawayo South uHon Raj Modi.

“Ukubuthwa kwezibi emalokitshini silazo izimota ezibutha izibi kanye ngeviki amabili. Okwamanje ikhansili ithole imota ezimbili zokubutha izibi enzikini yedolobho lakoBulawayo ezisuka kulunga ledale lephalamende eBulawayo South njalo zonke indabo ezilezibi sizabutha kuthi indlela zonke eziphakathi laphakathi kwezakhiwo lakho sizabutha emizameni yokugcina idolobho lihlanzekile.”

Ikhansili yakoBulawayo okwamanje ikhala ngokuthi ibhekane lodubo lwamafutha ezimota ezithwala izibi osekubangele ukuba izibi zingabuthwa njengemvama. Leli dolobho lithi njalo umthwalo wokumelana lokumemetheka kweCovid-19 wenza kube nzima ngamandla ukuthi basebenzele izakhamizi kundingeko ezinje lokubuthwa kwezibi.

Baqhubeka bethi bayalwazi loludubo kodwa njengoBulawayo kumele kube lokubambisana phakathi kwezakhamizi lomanisiphala ukuze kuvinjwe ukuqhamuka kweminye imikhuhlane phezu kwalowo ovele ukhona osusenza abantu bahlalele evalweni, oweCovid 19.

Udaba lokubuthwa kwezibi koBulawayo siluphiwa nguAnnahstacia Ndlovu
please wait

No media source currently available

0:00 0:03:39 0:00

Facebook Forum

XS
SM
MD
LG