amalinks wokungena

Breaking News

U-Khansila Stewart Mutizwa Usekhethwe Ukuba Ngosabambe Isikhundla SikaMeya weHarare


UKhansila Stewart Mutizwa osekhethwe ukuba ngosaphethe isikhundla sikaMayor weHarare

AmaKhansila edolobho le Harare akhethe uCouncillor Stewart Mtizwa ukuba abe ngosabambile isikhundla sikaMayor lanxa abavotileyo bebenganeli inani labadingakalayo ukuba kuthathwe leso sinqumo.

U Councillor Mtizwa ukhulumisane lalumsakazo phezu kokukhethwa kwakhe ukuba kube nguye osaphethe lesi sikhundla.

“Yimi esengisaphethe isikhundla sikaMayor ngokusemthethweni, sesizohlala phansi ke ukubonisana ukuthi kwenziwe kanjani ukuthi umsebenzi kaManisipala uqhubekele phambili.”

AmaKhansila la athi akubone kufanele ukuthatha lesi sinqumo ngemva kokunanzelela ukuba bebenganeli inani elibethwa ngumthetho njalo uCouncillor Mutizwa evele engumuntu obesaphethe lesi sikhundla ngemva kokubotshwa kukaMafume lokumiswa umsebenzi komsekeli wakhe u Luckson Mukunguma ngoMvulo, ngumphathintambo wezabelo umnumzana July Moyo.

Umthetho we Urban Council’s Act uthi wona kumele kube labantu abalitshumi lasikhombisa phakathi kwabangamatshumi amane lane ( 17 of the 44 ) ukuthi kuqhutshwe umhlangano waloluhlobo kanye lokuthatha isinqumo esifana lalesi.

Kulo umhlangano amaKhansila athi kuqakathekile ukuba uguqulwe lumthetho kunani elibethwayo ukuba yilo elivumelekileyo ukuthatha isinqumo saloluhlobo ngoba lingumgoqo ekusebenzeni kwabo njengoba inengi lamaKhansila la sewaxotshwa umsebenzi ngemva kokususwa kwabo ngabebandla le MDC-T.

Facebook Forum

XS
SM
MD
LG