amalinks wokungena

Breaking News

U-Mongameli Ramaphosa weSouth Africa Ukhetha Iqula Lokuyaxazulula Inxaki zeZimbabwe


UNkosikazi Baleka Mbete owake waba ngumlawuli wedale lephalamende kweleSouth Africa

Abacubungula ezombusazwe basola iqula elikhethwe ngumongameli Cyril Ramaphosa wakwele South AFrica, akhangelelwe ukulithuma ukuya eZimbabwe, bethi lilakho ukwehluleka ukuxhazulula inxaki ezibhekane lalelo lizwe, ngenxa yobudlelano elilabo lebandla leZANU PF.

Ngemva kokuvimba ukutshengisela kukazulu mhlaka 31 Ntulikazi uzulu weZimbabwe labaphandle bahlangene enkundleni yokuxhumana eyeTwitter lapho aqhubeke etshengisela ethi impilo zabantu beZimbabwe zizisengozini phansi komkhankaso onikwe igama lokuthi #Zimbabwelivesmatter.

Lokhu yikho osekwenze uRamaphosa akhethe iqula azalithumela eZimbabwe ukuyahlaziya udaba lokwephulwa kwamalungelo oluntu lokuhlukuluzwa mahlayana kwabantu abasola umbuso weZanu PF.

Iqula leli libunjwa ngowake waba ngumphathintambo kahulumende, uMnu Sydney Mufamadi kanye lowake waba ngumlawuli wedale lephalamende uNkosikazi Baleka Mbete.

Kodwa ke inengi selisole iqula leli bethi abantu abakhethiweyo balobudlelwano leZanu PF. UNkosikazi Mbete, wasolwa libandla eliphikisayo eleDA kwele South Africa ukuthi wancoma ukuhluthulwa kombuso okwenziwa ngumongameli Emmerson Mnangwagwa ngesikhathi evakatshele ibandla leZANU PF emhlanganweni weCongress ngomnyaka odluleyo.

Umqondisi we Public Policy Research Institute of Zimbabwe (PPRIZ), Dr Gorden Moyo, uthi ukuthumela iqula licebo elihle kodwa kulokhophe olusolisayo ngabantu abakhethiweyo.

“Abantu abakhethileyo yibo esingathi kulo khophe khona. Ukhophe lolu lubangelwa yikuthi balobudlelwano obunengi kakhulu le ZANU PF i kakhulu umama lo obengu Chair we ANC okwesikhathi eside. Ubehamba kuma Congress eZANU ngakho kuyahlupha. Bekudingakala abantu abathembekileyo, aba neutral, abazakhangela uhlupho lwe Zimbabwe ngesu elingakhethi lutho.”

Umnumzana Dumisani Nkomo ongumqondisi we Habakkuk Trust uthi kubalulekile ukuthi iqula elikhethiweyo lihlangane lamalunga onke aphathekileyo ukuze kuvele impumela engathulisi ilizwi labantu kodwa eletha ingqubekela phambili enhle kwele Zimbabwe.

“Okuqakathekileyo yinjongo yama envoys lawa, kumele acace. Okwesibili kuqakathekile ukuthi bahlangane lama victims awe violence, lamanye ama stakeholders’ angaveli ku ZANU PF kuphela kodwa lavela kuma opposition party kanye lama civil society. Okumqoka yikuthi bale njongo bani, bazahlangana lobani njalo lokuthi nxa sebebhale i report yabo izaya kubani.”

Umnunzana Bukhosi Nkala olilunga le Mthwakazi Republic Party uthi akula mpumela enhle ezaphuma kuqula elithunyeziweyo.

“I-envoy leyi ethunyelwe ngu President u Ramaphosa ukuthi izokhangela ngodaba lwase Zimbabwe. Ngibona engathi akula nto engaphumelela. Kudala beyenza kusaselo Thabo Mbeki akuzange kube lempumela ekhanyayo sekuze kumanje. Kuke kwathunywa abanye phambilini akuzange kwasebenza so angiboni ukuthi kungaba lempumela eqondileyo.”

Unobhala jikelele we Zimbabwe Council of Churches (ZCC) uReverend Dr Kenneth Mtata, uthi uhlupho lweZimbabwe ludinga abantu beZimbabwe hatshi abantu bokuza.

“Siyabonga ukuthi umongameli uRamaphosa laye udinga ukuthi indaba ye Zimbabwe ilungiswe.Kodwa indaba le idinga ama Zimbabwean ngokwawo ukuthi ahlangane. Even singathola umuntu ovela ezilwini uma inhliziyo zethu zingakaphenduki ukuthi siyakhe sonke kasoze laye alungise indaba esikhangelane layo lokhu kudinga thina ama Zimbabwean ukuthi sifake amakhanda ndawonye siyakhe sonke."

Umnumzana Sebenzile Ncube oyisakhamuzi sakoBulawayo usole iqula elikhethiweyo ethi lingani lilomhlubulo eliwusekelayo.

“Okusuka kuhluphe kakhulu yikuthi abantu laba bale history eyokuthi ngesikhathi kusalungiswa i government ye national unity. Ngabantu ababe tshengisela ukuthi balokukhetha okuthize, balomhlubulo abawusekelayo. Lapha kufuna umuntu ozaba neutral hatshi umuntu ozakhangela ukuthi abantu laba ababebonke.”

Ibandla leZANU PF lethule umbiko lisola inkulumo ethulwe ngunobhala jikelele webandla leANC umnumzana Ace Magashule. I-ZANU-PF ithi ibandla leANC akumelanga lingenele indaba ezilandiswa enkundleni zokuxhumana ezebulenjini, lisole njalo ukuthi lalo ibandla leANC lilabantu abetheswa amacala enkohlakalo kodwa alikaze lingenele.

Unobhala kugatsha lukahulumende lwezokukhitshwa kwemibiko, umnumzana Nick Mangwana utshele iphephandaba le Chronicle ukuthi akula kuthunjwa kwabantu kanye lokwephulwa lwamalungelo kazulu. Uchaze ukuba njengawo wonke mazwe womhlaba, eleZimbabwe lalo lifaka imithetho eqinileyo ukuze uzulu aphephe kubhubhane lweCovid-19.

Udaba lwequla likaMongameli Ramaphosa kweleZimbabwe siluphiwa nguBenedict Nhlapho
please wait

No media source currently available

0:00 0:03:54 0:00

Facebook Forum

XS
SM
MD
LG