amalinks wokungena

Breaking News

U-Rushwaya Uncitshwa Imvumo Yokuhlawula Isibambiso seBail


UNkosazana Henrietta Rushwaya (ophakathi laphakathi) emthethwandaba

Abatshutshisi ekuthonisweni kwecala eletheswa umkhokheli wenhlanganiso yabakumsebenzi wokwemba eyeZimbabwe Miners’ Federation, uHenrietta Rushwaya bathi akumelanga aphiwe imvumo yokuhlawula isibambiso sebheyili besithi imizamo yokuphuma elizweni legolide elilesisindo esikhulu kangako, yibusela bezinga laphezulu.

UMantshi uMnu Ngoni Nduna uthi uzakupha isinqumo sebheyili ngoLwesihlanu.

Lokhu kumangalise abanengi akade sebethuswe yisinqumo esithethwe ngabatshutshisi izolo lapho akade sebebonakale bengaphikisi ukuba aphiwe imvumo yokuhlawula isibambiso sebheyili.

Abatshutshisa ekuthosisweni kukaRushwaya ngoMnu. Garudzo Ziyaduma encediswa nguCharles Muchemwa.

Ekhuluma lentathelizindaba emthethwandaba kaMantshi weHarare igqwetha lika Rushwaya, uMnu. Charles Dzvete uveze ukuba uMantshi uzakupha isinqumo sokwamukela isicelo sokumtholisa imvumo yokuhlawula ibheyili loba hatshi ngoLwesihlanu.

“Siqale ukungena emthethwanda namhlanje ekuseni.Uhulumende usitshele ukuba useguqule isicelo asenze izolo mayelana lesicelo sethu esebheyili.

Uqhubeke esithi bathemba ukuba uRushwaya uzaphiwa imvumo yokuba athoniswe esuka ngekhaya.

“Uhulumende usitshele ukuba uguqule ngenxa yezizathu azifake phambi kwedale. Siphikisane lakho lokhu kodwa uMantshi uthi uzasitshela isinqumo sakhe ngoLwesihlanu”

UDzvete uphikise ukuguqulwa kwesinqumo sayizolo esithi kudaba olufanayo ngomnyaka ka 2017, uhulumende wapha omunye umuntu imvumo yokuhlawula ibheyili kungela sizatho sokumupha loba ukuthi ancitshelweni.

Kodwa uMnu Ziyaduma utshele idale ukuba uhulumende ucine ecabanga kabili wabona kufanele ukuba uRushwaya ancitshwe leyo mvumo, ngoba kungu mlandu kahulumende hatshi owomunye umuntu ukuba umuntu aphiwe ibheyili loba hatshi.

Uqhubeke esipha isizatho sakhe sokuthi ancitshwe leyo mvumo yokuthoniswa esuka ngekhaya esithi uRushwaya ngomunye wamasela atshontshela ilizwe esithi indlela abefuna ukuphuma le golide ngayo iyethusa.

Umthethwandaba utshelwe ukuba uRushwaya wathatha imizuzo emine kuphela ukuba akhangelisise ukuba uthweleni ngesikhathi esenkundleni yendizamtshina e Harare international airport.

Izolo isinqumo sabatshutshisi esokuba bengaphikisi isicelo sakhe sebheyili sitshiye abanengi bebambe owangaphansi besithi siveza sobala ukuba usebenza labantu abakhulu kuhulumende.

URushwaya ubotshwe enkundleni yeRobert Mugabe International Airport ngemva kokufunyanwa elesisindo samakilogram ayisithupha selitshe eliligugu legolide. Nxa engafunyanwa elecala ulakho ukugwetshwa ukuhlala iminyaka emihlanu esejele ephika.

Kusenjalo, oMantshi labahluleli bemadale emthwendaba balobe incwadi ku Mongameli Emmerson Mnangagwa besola uMahluli omkhulu uMnu Luke Malaba besithi uphazamisa umsebenzi wabo.

Encwadini abayithumele ku Mongameli, bathi umsebenzi wabo sebewenza besevalweni ngoba besesaba ukuxotshwa imsebenzi ngu Malaba.

Lokhu kuza ngesikhathi abamabandla aphikisayo besethesa uMnangagwa lebandla lakhe leZANU PF ukuba baphazamisa umsebenzi wemithethwandaba.

Ekhuluma edale lephalamende umphathintambo wogatsha lwezemithetho uMnu Ziyambi Ziyambi uthe kalalwazi lencwadi elotshwe ngabo Mantshi labahluleli laba.

Udaba lokuthonisiswa kukaRushwaya siluphiwa nguMlondolozi Ndlovu
please wait

No media source currently available

0:00 0:03:51 0:00

Facebook Forum

XS
SM
MD
LG