amalinks wokungena

Breaking News

UBiden Uthumele Amabutho Ukuyahlenga Izizalwane zeMelika kweleAfghanistan


APTOPIX Afghanistan

UMongameli weMelika uMnu Joe Biden uthumele amabutho ayinkulungwane buthumuthumu kweleAfghanistan izolo ukuyancedisa kumizamo yokuhlenga izizalwane zeMelika ezigoqela ebezisebenza ku-embassy yalelilizwe kulandela ukuhluthunelwa umbuso kukahulumende liqembu leTaliban.

Iqembu leli liqale ukuhlasela ngamandla kunyanga ezedluleyo kulandela ukwazisa kukaBiden ukuthi amabutho eMelika asephuma eAfghanistan ngemva kokuphatheka kumpi yalelolizwe encedisana lamabutho aseAfghanistan kuminyana engamatshumi amabili edluleyo belwisana lamaTaliban.

Amabutho eTaliban ahluthune amadolobho elizweni lonke njalo izolo athethe isigodlo, iKabul, ayangena emahofisini kaMongameli Ashraf Ghani athola esebalekile elizweni.

Izizalwane zeMelika lezakwamanye amazwe afana leBhilithani bezigcwele egcekeni lendizamtshina lapho ebezihlengwa khona ngamabutho zihanjiswa emazweni azo.

Ukungena kwamaTaliban embusweni kutshiye izizalwane zeAfghanistan ezinengi zilokwesaba ngoba kuliqembu elibusa ngochuku, ikakhulu kwabesifazana.

EleMelika langena eAfghanistan lidinga uOsama bin Laden ngemva kokuhlaselwa liqembu lakhe le-al-qaeda kusehlakalo esaziwa ngokuthi yi9/11.

Ingcwethi kwezombusazwe uDr Brilliant Mhlanga utshele iStudio 7 ukuthi lanxa amaTaliban esaziwa ngochuku, kaboni elakho ukuvumela ubukliwi (terrorism) obungacina bubangela ukuhlaselwa kweMelika ngoba ekwazi ukuthi iMelika ingaphenduka yiloba nini.

please wait

No media source currently available

0:00 0:02:48 0:00

Facebook Forum

XS
SM
MD
LG