Umkhokheli webandla elePDP, okungelinye lamabandla abumba umanyano we MDC Alliance, unikeze ithuba lokuhlawula isibambiso seBail, senkulungwane ezinhlanu zamadola akweleMelika- US$5,000.
Obekhokhela iqula lamaqgwetha kahulumende, elabatshutshisi u Justine Uladi utshele umantshi umnumzana Francis Mapfumo ukuba asikho isizatho sokumalela ithuba lokuba ahlawuliswe imali yesibambiso ese bail umnumzana Biti.
Lokhu kwemukelwe nguNkosikazi Beatrice Mthethwa, onguye okhokhela iqula lamagqwetha amela umnumzana Tendai Biti.
Soluzangena ngoLwesihlanu edale udaba luka Biti ukuqhubekela phambili ngomkhuba we Remand lapho iqgwetha lakhe unkosikazi Mthethwa akhuthaze idale ukuba kumele kwenziwe njengoba kuyinhlalayenza ukuba umuntu uyabuzwa lapho elezikhalazo.
Okunye kwalokho okuphathelene lokutholiswa kwakhe ithuba lokuba ahlawule imali ye bail kubalisa ukuba angaze aphazamisa abafakazi, angaze enza imihlangano yezombusazwe loba lentathelizindaba, ase incwadi yakhe yokuhambisa i passport emapholiseni, aye zibika kabili emapholiseni ekuseni lantambama phakathi kwehola lesithupha kusiya kwelesithathu.
Umthethwandaba uthi u Biti kumele ahlale emzini wakhe ku No 4 HEZEL, Umwinsdale njalo ase ingcwadi zakhe zama title deeds zomunye umuzi wakhe oku Number 7,Benard Avenue e Chisipiti.