amalinks wokungena

Breaking News

UTendai Biti Uhlawuliswa Isibambiso seBail Esifika $5,000


UMnu. Tendai Biti uhanjiswa emthethwandaba.

UMnu. Tendai Biti, obiselwe kwele Zimbabwe yiziphathamandla zikahulumende weZambia ngoLwesine okungekho emthethweni, ukhululwe ngumthethwandaba omhlawulise inkulungwane ezinhlanu zamadola - $5,000.

UBiti wetheswa icala lokuthi wabika ukhetho lukamongameli olusanda kwenziwa kwele Zimbabwe okungekho emthethweni njalo wakhuthaza ukuthi abantu batshengisele emigwaqweni bekhonona ngokuphuza kwekhomishini yeZimbabwe Electoral Commission (ZEC) ukuthi yethulele uzulu impum,ela yokhetho lukamongameli.

Umthethwandaba uthe uBiti kumele anike umthethwandaba ugwalo lwe passport njalo lamaphepha endlu yakhe aveza ukuthi ingabiza imali enganani.

Uphinde watshelwa ukuba kumele ahambe emapholiseni nsukuzonke.

UBiti watshela intathelizindaba eHarare ukuthi uMnu. Nelson Chamisa womanyano weMDC Alliance nguye owanqobayo kukhetho lukamongameli.

IZEC yathi umbiko wakhe lo awukho emthethweni ngoba yiyo yodwa engethula lokhu.

Facebook Forum

XS
SM
MD
LG