amalinks wokungena

Breaking News

Bongani Mafu: Iqembu leBotswana Lokhe Lingakanginiki iP200,000 Yami


Bongani Mafu

Udaba lwakhe lwaphanyekwa kunhlanganiso yeZimbabwe Football Association (ZIFA) kodwa akulasizo aselutholile.

UMafu, osephendukile ukuzoqheqhetsha kweleBotswana, uthi lokhe engakatholi imali yakhe engangamaPula angamakhulu amabili-P200,000 ayikweledwa liqembu leMochudi Centre Chiefs lona elidlala ezingeni eliphezulu leBotswana Premier League. Isikwelede lesi sadaleka ngesikhathi uMafu eqeqetsha iqembu leChiefs ngomnyaka ka 2016/2018. Kodwa iqembu leli lehluleka ukumbadala iholo lakhe, imali yaze yaqonga yafika kuP200,000. Kodwa uMafu uthi yena imali ayisebenzelayo uyayifuna...

“Abakangibhadali imali, ngahambisa isikhalazo sami kuZIFA, kodwa abeBotswana bathi abakatholi lutho (oluphathelene lalesi sikhalazo). Ngakho ngisamelele bona abekhaya ukuthi babone ukuthi ngifuna imali engayisebenzayo. Inengi kakhulu imali le, angingeke ngayikhohlwa.”

Uthi iziphathamandla zeChiefs ziyantela zisithi akalalutho uMafu azalwenza...

“Bona bayazihlekela bathi balabangane kuZIFA, ngakho udaba lwami luzaphongufa nje. Kodwa ngiyabathemba abakithi ukuthi bazangincedisa ngithole imali yami.”

AbeBotswana Football Association bathi bona abangeke benze lutho bengatholanga lutho oluvela kuZIFA, kukanti isikhulumi seChiefs, sithi noma nje bekwazi ukuthi bakweleda uMafu, okwakhathesi kabalayo imali yokubhadala.

Udaba lwesikhwelede seqembu leBotswana kuMafu siluphiwa nguMartin Ngwenya
please wait

No media source currently available

0:00 0:01:39 0:00

Facebook Forum

XS
SM
MD
LG