amalinks wokungena

Breaking News

UBulawayo Ukhala Ngamanzi Ahamba Mahlayana Okwamalanga Abuye Esengcolile


Bulawayo Water

Izakhamizi zakoBulawayo zihlaba omkhulu umkhosi ngenxa yodubo lokuvalelwa amanzi mahlayana kanye lenhlawulo zamanzi ezibuya ziqanse okwamagama.

Lokhu sokudale ukuba izakhamizi zibe lokuthandabuza ngokusebenza kukamaninsipala wedolobho leli, lona izulu lana kuhle lagcwalisa amadamu ngomnyaka odluleyo.

Udubo lwamanzi lokhu luyisindabaphendule koBulawayo izakhamizi zikhala ngokuthi ahamba mahlayana kungela lakwaziswa ngumanisiphala ukuthi inkinga ingaphi sibisibili.

Esinye sezakhamizi zakoBulawayo uNkosikazi Sisasenkosi Mnkandla uthi okudanisayo yikuthi athi engakahamba, lapho esebuya ayabe engahlanzekanga.

“Silobunzima obukhulu esihlangana labo ngalesiskhathi bokusilelea kwamanzi lona izulu linekuhle njalo ikhansili ayisiphanga isikhathi sokuvulwa lokuvalwa kwamanzi njalo lawamanzi uma ebuya ayabe engahlanzekanga, okusethusayo ukuthi amanzi ahamba kangaka, ayahlala amalanga amabili engekho kuyasihlukuluza ukuthi izilu lana kodwa sesisendlaleni yamanzi.”

Esinye njalo isakhamuzi sakoBulawayo esihlala eWoodvale uNkosikazi Maria Mhlanga uthi bona kabasawathembi amanzi empompini.

“Thina ngapha eWoodvale silodubo olumangalisayo lokusilela kwamanzi, awaphumi empompini sekulesikhathi eside, sesiphila ngamanzi esiwalethelwa yikhansili ngamabowser buye njalo aweneli wonke umuntu ngezinye izikhathi bayaletha imota encane evele ingeneli muntu osekusenza siphilenzima edolobheni.”

Isikhulumi sekhansili yakoBulawayo, uNkosikazi Nesisa Mpofu uthi izakhamizi zisebenzisa amanzi adlulisa inani okumele balisebenzise ngelanga.

“Senze ucwaningo oluveza ukuba ukusetshenziswa kwamanzi edolobheni kuphezulu kakhulu uma sikhangela isilinganiso esahlelwayo. Umuntu oyedwa uvunyelwa ukusebenzisa 519 litres ngelanga kodwa inengi litshengisa ukuthi abantu basebenzisa 760 litres ngelanga kuphezulu kakhulu uma kulandelwa iWorld Health organization ethi umuntu kumele asebenzise i150litres ngelanga njalo imuli lemuli ivunyelwa ukusebenzisa 650litrs ngelanga abantu abangakulandeliyo.”

UNkosikazi Mpofu uqhubeke ethi abantu bakhangelele ukuthola inhlawulo ephezulu yamanzi ngoba besedlulisa isilinganiso sabo selanga.

“Inhlawulo abantu abakade beyithola ebingeyokucatshangelwa ngoba ikhansili ibingahambi isiyahlola ukuthi abantu basebenzisa njani amanzi ngakho kunyenga ezimbili ezedlule seneise ukuyabala ukuba abantu basebenzisa njani amanzi sathola ukuba bayedlulisa isilinganiso sabo ngakho kumele bakhangelele ukuthola amaphepha atshengisa inhlawulo ephezulu.”

Uzulu jikele wakoBulawayo ukhala ngokungatholi amanzi ngesikhathi, ukuthola amanzi angahlanzekanga kanye lenhlawulo ephezulu yamanzi abangawatholi ngendlela okulakho ukudala imikhuhlane. Ngakwelayo icele ikhansili ikhala ngabantu abantshontsha amanzi bethi sebeqalile ukuqhatsha abantu abahamba belungisa impompi ezivuzayo engasafiki kuzakhamizi.

Udaba lokusilela kwamanzi koBulawayo siluphiwa nguAnnahstacia Ndlovu
please wait

No media source currently available

0:00 0:03:47 0:00

Facebook Forum

XS
SM
MD
LG