amalinks wokungena

Breaking News

UBulawayo Ukhala Ngodubo Lwamandla Kagetsi


Zimbabwe Power Station.
Zimbabwe Power Station.

Inengi lezakhamizi zako Bulawayo zikhala ezimathonsi ngokuhamba kwamandla kukagetsi kubangelwa yikwebiwa kwentambo zamandla kagesti edolobheni leli okungumkhuba ezithi awenziwa ngamasela mahlayana kuphela kodwa langezisebenzi zenkampani yamandla kagetsi eye Zimbabwe Electricity Supply Authority.

Okwamanje amandla kagetsi ayahamba okwesikhathi eside kulandela isimemezelo sokwabela amalutshwane atholakalayo ngokulingineyo phansi kohlelo olwe load shedding.

UNkosikazi Prisca Ngwenya isakhauzi sakoBulawayo uthi udubo yikuthi intambo zikagetsi ziyantshotshwa.

“Amagesti luhlupho kulezi insuku lentambo ziyanshotshwa ziyafakwa lamuhla kusasa uzwe kuthiwa ayisekho. Kungangokuthi ngabantu beZesa abazithathayo ngoba kunje umuntu kodwa ngeke aze aqonde amandla kagesti nje”

Isakhamuzi seTshabala, uMnu Dumisani Nkiwane ngomunye wabakhala ngokusilela kwamandla kagetsi.

“Kulezi insuku amandla kagesti ayasikhthaza ayahamba izikhathi zonke ayahamba ungakenzi lutho ungakapheki sicela lisincede ngendaba yamagesti ngoba ayasihlupha kakhulu.”

Umphathintambo wedolobho lakoBulawayo uNkosikazi Judith Ncube usola ukwebiwa kwentambo zamamdla kagesti.

“IZesa ikhathazekile, uma ivandalism yentambo zamagesti iqhubekela phambili ngelinye ilanga idolobho lizakuba sebunyameni. Sikhuluma sisenje abanye sebelensuku besebunyameni ngenxa yobusela obukhona koBulawayo bentambo zamagesti. Ayafakwa lamuhla amacables kusasa avuke engekho. Abezesa sebekhuphe icopper sebefaka iAlminium kodwa isasele icopper edolobheni lakumalokitshi aseduze ledolobho amasela asevuke ubhova.”

Umqondisi weZimbabwe Electricity Transmission Distribution Company, eHwange, uMnu Clayton Sakutukwa laye ugcizelela kudubo lokwebiwa kwentambo zecopper.

“Sibhekane lodubo olukhulu ezweni njalo abantu bayeba intambo zamandla kagesti sikhathi sonke uyathola ukuba ubusuku bubunye amasela ayeba intambo kundawo eziyisithupha ezehlukeneyo. Kuphambili beba lamatransformer lecoppper eBurnside, Tshabala leWoodvale kuyasikhathaza sizama ukusebenzelana lezakhamizi kungaphezu kwamandla ethu.”

Okwamanje izakhamizi ezweni jikelele zithwele nzima ngokungatholi ugetsi oweneleyo phansi kohlelo olokwabela abantu bonke ngokulingeneyo olwe load shedding, kodwa loludubo lubikwa solubangwa ngamandla ngamasela asethatha intambo okubangela ukuba bahlale ebunyameni okwesikhathi eside belinde ukuzofakelwa ezinye intambo osekuphazamise ukuphila kwabanengi.

Udaba lokusilela kukagetsi koBulawayo siluphiwa nguAnnahstacia Ndlovu
please wait

No media source currently available

0:00 0:03:30 0:00
XS
SM
MD
LG