amalinks wokungena

Breaking News

Idolobho lakoBulawayo Lilakho Ukubhekana Lokusilela Kwamanzi Kunsukwana Ezilandelayo


Bulawayo water

UMansipala wakoBulawayo wethule umbiko wokuxwayisa uzulu, othi izakhamizi mazikhangelele ukudibana lodubo lokungatholi amanzi kumalanga alandelayo kulandela ukuhamba kwamandla kagesti okwamahola athile okuphazamise umsebenzi wokudonswa kwamanzi, emadamu anathisa leli dolobho.

Umabhalane weBulawayo City Council, uTown Clerk Christopher Dube onguye olobe lumbiko, uthi lokhu kulandela ukuhamba kwamandla kagetsi idolobho lonke okulakho ukubangela ukuthi impompi ezitholisa uzulu amanzi zingabi lamanzi eneleyo.

UDube uchaze ukuba kusukela izolo idamu leNcema, leFurnhill Pump Station kuhlanganisa le Creterion Water Treatment Works, lokhe ecine ukuba lamandla kagesti izolo ntambama ngehola lesithupha.

Isikhulumi msedolobho lakoBulawayo, uNkosikazi Nesisa Mpofu uyakuchaza lokho.

"lndawo eziphezulu zilakho ukuba ziqale ukuhanjelwa ngamanzi endaweni ezehlukeneyo zedolobho. Kungaba lokuswelakala kwamanzi ngenxa yokuhamba kwamandla kagesti idolobho lonke, kusukela izolo iNcema Dam leFurnhill Pump Station besingenelisi ukudonsa amanzi kuhlanganisa leCreterion Water Treatment okuzakwehlisa inani lamanzi ayakuzulu."

Isakhamuzi sakoBulawayo uNkosikazi Nomqhele Ngwenya uthi amanzi basaselawo.

UBulawayo njengawo wonke amadolobho aseZimbabwe ubhekane lodubo lokuhamba kwamandla kagetsi mahlayana, osekuphazamise ukudonswa kwamanzi esiya kuzulu yikhansili lobanje kungakaziwa ukuba loludubo luyaphela nini.

Abekhansili yaleli dolobho bathi udubo lwamandla kagetsi lungaphezu kwamandla abo okuyikho osokwengeza udubo lokutholakala kuhle kwamanzi wona lonyaka abangela nkinga yokusilela kwawo njengeminyakeni, emanengi, esenela uzulu ngemva kokuna kuhle kwezulu ekupheleni komnyaka odluleyo.

Udaba lohlupho lwamanzi koBulawayo siluphiwa nguAnnahstacia Ndlovu
please wait

No media source currently available

0:00 0:02:20 0:00

Facebook Forum

XS
SM
MD
LG