amalinks wokungena

Breaking News

UBulawayo Ungezelela Indawo Zalapho Okuhlatshwa Khona iJekiseni yeCovid-19 Vaccine


Umpathintambo wezokwethulwa kwemibiko uNkosikazi Monica Mutsvangwa,

Uhulumende weZimbabwe wengezelele njalo isikhathi sokusebenza kweziqondiso zeCovid-19 Lockdown ngamanye amaviki amabili. Kuthike ikhansili yakoBulawayo layo yazise ngokwengezwa kwezibhedlela ezisebenza zizimele ezizabe zivumela odokotela labongi ukuhlaba ijekiseni leCovis-19 Vaccine.

Inengi lamakholwa lidanile ngesiqondiso sokuba abantu abahlabileyo yibo kuphela abavunyelwa ukuya enkonzweni kulandela isimemezelo sompathintambo wezokwethulwa kwemibiko uNkosikazi Monica Mutsvangwa lapho athe amababhizimusi sebeyavula ngo 8am ekuseni besiyavala ngo 5pm ntambama.

Izikolo uthi zizaqhubeka zivaliwe okwamaviki amabili alandelayo, njalo abantu kuzamele bame ukuhambahamba kusukela ntambama ngo 8pm kusiya ku 5:30 ekuseni. Lapho abantu befelwe ngowemuli abavunyelwa ukubuthana lokuba khona emngcwabeni bazaqhubeka bengavunyelwa ukwedlula amatshumi amathathu-30.

UKhansila KaWard 17, uNkosikazi Sikhululekile Moyo ukhuthaza abantu ukuba baqhubeke belandela iziqondiso zeCovid-19.

“Uma ngikhangela isimo seCovid-19 koBulawayo kulamalanga esikuwo inani labantu ababulawa yilo umkhuhlane liyehla ngoba isikhathi somqando sesisehla. Abantu ngezigaba lokhe besiyahlaba siyabakhuthaza ukuba bayehlaba njalo balandelel imithetho lemilayezo yabezempilakahle ukuba bagqoke amamask, ukugeza izandla ngoba lumkhuhlane lokhe usasekhona Phakathi kwethi.”

Umqondisi wezempilakahle kukhansili yakoBulawayo, uDokotela Welcome Mlilo ukhuthaza abantu ukuhlatshwa ijekiseni yeCovid-19 Vaccine.

“Uhlelo lwethu lokuvikela igcikwane leCovid-19 luyaqhubeka kuhle esigodlweni sakoBulawayo iVaccine yethu iyatholakala emakilinika lasesibhedlela ezinkulu okubalisa iUBH, iMpilo leIngutsheni njalo lezibhedlela ezizimeleyo sezihlaba lelijekiseni ngakho sikhuthaza uzulu ukuba ayehlaba.”

Isakhamuzi sakoBulawayo uNkosikazi Cora Ndebele uthi kusese lodubo lokwandelwa kwendawo ezihlatshwa khona abantu.

“Ubhubhane lweCovid-19 luhlasele ezweni njalo kuzozonke indawo lapho okuhlatshwa khona abantu yisiminyeminye. Kuqakathekile ukuba amapholisa labezomvikela baphume bazoncedisana labezempilakahle ngoba umsebenzi wokuhlaba isizwe udinga izandla ezinengi buye lenani labongi abaphethe lumsebenzi liphansi.”

Umqondisi wezempilakahle kukhansili yedolobho lakoBulawayo uDokotela Edwin Sibanda uthumele umbiko othi bakhona asebecele ukuhlaba ijekiseni yeCovid-19 Vaccine abazimeleyo asebephiwe imvumo yokwenza njalo lugatsha lwezempilakahle.

Izibhedlela ezibalisa iBulawayo West Hospital, iLuveve Private Clinic, Blessed Heart Poly Clinic, Emganwini Family Health, Bulawayo Family Health Practitioner, Kings Martenity Clinic, Jubilee Clinic, Mahatshula Clinic, Marondera Poly Clinic, Northlynne Maternity Clinic, Silisani Private Clinic, Galen House yizo eseziphiwe imvumo yokuhlaba zisengezelelwa kuCimas leVivat eziyizo ezaqala ukuhlaba kunyanga edlule.

Umuntu ohlatshwa ngudokotela kulezizibhedlela ezizimeleyo uhlawula amadola adlula amakhulu amane aweZimbabwe-$434-35RTG’s kuthi abazahlatshwa ngomongi bahlawula imali edlula amakhulu amabili i-RTGS-$220.64 kodwa abahlaba emakilinika kakhansili lezibhedlela zikahulumende abahlawuli lutho.

please wait

No media source currently available

0:00 0:05:49 0:00

Facebook Forum

XS
SM
MD
LG