UChamisa Usebangiswa Njalo Ibizo Lebandla Lakhe eleCitizens Coalition for Change

Sokuqhamuke ukudonselana phezu kwebizo lebandla likaMnu Nelson Chamisa elitsha eleCitizens Coalition for Change (CCC).

Inkundla yeNewZimbabwe ibika ukuba kulabebandla elizibiza ngokuthi yiCitizens Convergence for Change (CCC) abalobele iZimbabwe Electoral Commission (ZEC) ngoLwesihlanu bekhonona ngokuthi ibizo lebandla likaChamisa liphose lifanane lelabo, khona abathi kulakho ukuphazamisa abantu abavotayo.

Bakhala njalo ngokuthi umbala olithanga osetshengiswa ngoChamisa ngowabo.

Iphephandaba leNewsDay lalo libike ngoMvulo ukuthi ezinye iziphathamandla zeZanu PF lazo zifuna uChamisa avinjwe ukusebenzisa umbala olithanga zisithi ngowebandla lazo.

Ibandla leCitizens Convergence for Change lithi lisungulwe nyakenye lahle labhalisa kuZEC.

Isiphathamandla salelibandla uMnu Farai Zhou ubikwa esithi likhomishini kumele itshele uChamisa adinge elinye ibizo. Ngaphandle kwalokho, uthi bazam’mangalela emthethwandaba.

Kodwa umsekeli wesikhulumeli sebandla likaChamisa uMnu Felix Magalela Mafa Sibanda uthi yibo abaqale ukusebenzisa leligama nyakenye.

Embed share

Ingxoxo loMnu Felix Magalela Mafa Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:52 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Umsakazo weStudio 7 wehlulekile ukukhuluma lawebandla leCitizens Convergence for Change.