amalinks wokungena

Breaking News

UChamisa Uthi Kasoze Amukele Isinqumo seConstitutional Court


UMnu. Nelson Chamisa ekhuluma lentathelizindaba

Umkhokheli wamabandla aphikisayo akumanyano we MDC Alliance umnumzana Nelson Chamisa uthi lanxa eyihlonipha imithethwandaba yelizwe akayi kwamukela isinqumo esethulwa emthethwandaba waphezulu we Constitutional Court ngoLwesihlanu.

UChief Justice Luke Malaba ugcizelele okwethulwa ngabe khomishini ebona ngezokuqhutshwa kokhetho abe Zimbabwe Electoral Commission – ZEC ababetha umkhokheli we Zanu PF uMnu. Emmerson Dambudzo Mnangagwa ukuba nguye owanqoba kukhetho luka mongameli olwenyanga edluleyo.

UMongameli Mnangagwa ugcotshwa ngokusemthethweni ngeSonto ukuba ngumongameli welizwe okweminyaka emihlanu elandelayo emkhosini ozokwenzelwa enkundleni ye National Sports Stadium

Lokhu kwenzakala uMongameli Emmerson Mnangagwa ethe uvelela amasanga uChamisa ukuthi kusetshenzwe ndawonye. Kodwa uMnangagwa kacacanga ukuthi bazasebenzelani njani.

UChamisa utshele umhlangano lentathelizindaba obusenzelwa esigodlweni sebandla lakhe le MDC – T, iMorgan Richard Tvangirai House, ukuba uzulu weZimbabwe kaphiwanga isinqumo esiyiso ngemva kokuba umthethwandaba we Constitutional Court wale ukulandela isicelo sabebandla sokuba kusetshenziswe ubufakazi beziphala zama computer, ama saver ngesilungu asetshenziswa ngesikhathi ukhetho lusenziwa.

Lokhu kugcizelelwe yisikhulumeli sika Chamisa uMnu. Nkululeko Sibanda.

U Sibanda uthi kungalesi sizatho ke bengasemukeli isinqumo esethulwe ngumthethwandaba we Constitutional Court.

U Chamisa uthi akayi kuphatheka kiwo emkhosini wokugcoba uMnangagwa lanxa waya emkhosini ofanayo ngesikhathi egcotshwa okwakuqala nyakenye. UChamisa uthi ubufakazi abalabo obungasetshenziswanga emthethwandaba ngoba kuthiwa bafika isikhathi esivunyelwa ngumthetho sesedlul buveza ukuba wathola ama voti ayizigidi ezimbili lanhlanu, i 2,6 million esithi uMnangagwa yena wathola angaphansi kwe zigidi ezimbili, i2 million.

UChamisa uveze njalo ukuba lokhe esalinbdele impendulo kungcwadi zakhe azibhalela abenhlanganiso ezibalisa eye SADC leye African Union ukuba bangenele kudaba lweZimbabwe ukululungisisa ngoba kungasi daba oluphazamisa ilizwe kuphela kodwa kungoluphazamisa isigaba sangezansi ye Africa yonke kanye lezwekazi le Africa jikelele.

Kodwa inkokheli yamazwe omhlaba, ebalisa uMongameli Cyril Ramaphosa, osetshayele ihlombe uMnnangagwa, we South Africa isimkhuthaze ukuthi amukele lesi sinqumo.

please wait

No media source currently available

0:00 0:03:51 0:00

Facebook Forum

XS
SM
MD
LG