amalinks wokungena

Breaking News

UChamisa Uxolisela Ibandla Lakhe Ngokukhetha Amakhansila Lamalunga ePhalamende Angamagovu Kukhetho Olwedluleyo


Zimbabwe Opposition Gathering

Umkhokheli weMDC Alliance uMnu Nelson Chamisa uthi uyaxolisila kuzulu weZimbabwe ngendlela ibandla lakhe elakhetha ngayo amakhansila kanye lamalunga edale lephalamende kukhetho olwedluleyo, esithi abanengi babo ngamaganyane aphangayo.

Ekhuluma lentathelizindaba yeCite uZenzele Ndebele ngoMvulo, uChamisa uthe ibandla lakhe selikunanzelele ukuthi abanengi babantu laba abalandaba lozuku njalo abakufunayo nje yizikhundla lemisebenzi.

Uthi lokhu kuvezwe sobala ngamalunga abo ephalamende asesekela ibandla leMDC-T elikhokhelwa nguMnu Douglas Mwonzora.

Ngokunjalo, uthi kukhetho oluzayo ngo2023, iMDC Alliance izakhetha amakhansila lamalunga ephalamende aqotho.

Ibandla leli lihlezi lisetheswa icala lokukhetha abameli abangafunwa nguzulu njalo esikhathini esinengi bayabe bengahlalu kulezondawo abazimelayo.

Umsekeli wesikhulumeli seMDC Alliance uMnu Felix Magalela Mafa Sibanda uthi konke lokhu kuzatshintsha.

Kusenjalo, umkhokheli wabasakhulayo balelibandla uMnu Obey Sithole, yena obotshwe izolo esetheswa icala lokutshengisela ngaphandle komthetho ukhangelelwe ukumiswa emthethwandaba namuhla.

please wait

No media source currently available

0:00 0:04:25 0:00

Kolunye njalo udaba, isikhulumeli salelibandla koBulawayo uMnu Swithern Chiroodza uthi balahlekelwe kakhulu ngokubhubha kwelunga labo uMnu Innocent Kurwa yena ofele engozini yemota koBulawayo ngoMgqibelo.

please wait

No media source currently available

0:00 0:01:27 0:00

Facebook Forum

XS
SM
MD
LG