amalinks wokungena

Breaking News

Ugatsha Lwezokwethulwa Kwemibiko Lukhala Ngemali Encane Eliyabelwe kuBudget


Umnumzana Nick Mangwana

Ugatsha lwezokwethulwa kwemibiko luthi alutholanga imali eneleyo yokusebenza. Lokhu kuphume ngemva kokwethulwa kweBudget yalonyaka lapho lolu gatsha lukhala ngokuthi lwabelwe imali encane nguhulumende yokusebenzisa ngomnyaka ozayo.

Lokhu kuvezwe ngumabhalani omkhulu walolugatsha uMnu Nick Mangwana yena othe udaba lwemali lolu luphazamisa kakhulu ukuthola kukazulu we Zimbabwe ulwazi olumele aluthole kugatsha lwakhe.

“Njengogatsha lwezokukhitshwa kwemibiko, ukuswelakala kwemali efika 295 million kuphambanisa kakhulu ukusebenza kwethu. Kangikatsho lutho, ngingaqhubeka ngilitshele ukuba kumele sibhadale amagetsi, amanzi, sibhadale iTelone, lokhu kuphazamisa kakhulu umsebenzi wethu”

UMangwana uveze ukuba loba nje uhulumende ephe amankampani imvumo yokusakaza kumabonakakude kuzaba nzima ukuba amankampani la aqale ukusebenza.

Uthe inhlangothi ezifana lenkampani yeZBC, olweBroadcasting Authority of Zimbabwe (BAZ) le komitshini yeZimbabwe Media Commission kazila mali eneleyo yokuqhuba umsebenzi.

“Ayisithi sodwa esephambanisekileyo. Ungakhangela ingatsha zethu ziphazamiswe kakhulu ngoba ziyasinceda ukwenza umsebenzi, konke esikwenzayo kakwenzakala nxa ingatsha lezi zingatholanga usizo oluvela kuhulumende”

Inhlanganiso ezizimeleyo zithi kuqakathekile ukuba imali ephiwa ugatsha lokwethulwa kwemibiko yengezelelwe ngoba umsebenzi eziwenzayo umnengi kakhulu.

Omela inhlanganiso ye Zimbabwe Association of Community Radio Stations (ZACRAS) uMnu Jerry Zingwevu uthi imisakazo yezigaba kumele iphiwe usizo phansi kwalolugatsha.

“Ngokubona kwami uhulumende we Zimbabwe kumele axhase imisakazo yomphakathi esithi ngama community radio, ngoba indaba zokusakaza zifuna imali enengi ukuze ziqaliswe”

UMangwana uthi zinengi inkinga okumele eleZimbabwe lilungisise ezigoqela umkhuhlane we Covid-19 odinga ukuba ugatsha lokwethulwa kwemibiko lusabalalise ulwazi lokuzivikela lokunye. Ethi kunje umsakazo kahulumende owe ZBC kawenelisi ukupha uzulu ulwazi lonke olufunekayo ngenxa ngenxa yokuswelakala kwemali ngakhoke ngabe uhulumende uyakhangelisisa imali ayipha lolugatsha.

Facebook Forum

XS
SM
MD
LG