JOHANNESBURG —
Umhlangano wamalanga amane owenhlanganiso yeKimberly Process Certification Scheme obuqhutshelwa eJohannesburg uphele ngoLwesihlanu kungazange kukhulunywe ngendaba ezihluphayo ekwenjiweni lekuthengisweni kwedayimana leZimbabwe.
Abenhlanganiso zikazulu bebelethemba lokuthi udaba lokuthi amadayimana enjiwa eZimbabwe ayaphi, luzaphathwa kulo umhlangano kodwa umgcinisihlalo weKPCS owehle esihlalweni kulo umhlangano, umnumnzana Ambassador Welile Nhlapho, uthi kakuzange kukhulunywe ngeZimbabwe ngoba bekungela ndingeko yokwenza lokho.
Obengungcinisihlalo wenhlanganiso ye Kimberly Process Certification Scheme – KPCS, umnumnzana Ambassador Welile Nhlapho wakwele South Africa uthi umhlangano lo uphumelele okwamagama.
UNhlapho uthi okunye kwalokho okusemqoka okuvunyelwene kulo umhlangano yikuthi ilizwe leCentral African Republic liqhubeke lingavunyelwa ukuthengisa amadayimana, iKPCS incedisane leIvory Coast ekulandeleni izinqumo zayo, lokuthi kuqiniswe indlela linhlanganiso eqapha ngayo ukusetshenziswa kwamadayimana ekukhwezeleni izimpi.Umnumnzana Nhlapho uthi iZimbabwe kakukhulunywanga ngayo ngoba bekungelandingeko yokwenza lokho.
Isizalwane seZimbabwe umnumnzana Shamiso Mtisi, obemele inhlanganiso zikazulu kulo umhlangano, uthi udanile ngokwehluleka kwe KPCS ukuvumelana ukuthi ingcazelo yokusetshenziswa kwamadayimana ekubangeleni izimpi igoqele lokuhlukuluzwa kwezakhamizi ezihlala endaweni okwenjiwa kuzo amadayimana.
Uthi lobanje edaniswe yikungakhulunywa kodaba lokunyamalala kwamadayimana eZimbabwe, uthokoziswe yikuthi inengi lezinto okukhulunywe ngazo zigoqela lalokho abakusolayo eZimbabwe.
Umqondisi wenhlanganiso ya kwele South Africa eyeInstitute for Global Dialogue, enhlaziya ngezobudlelwano bamazwe womhlaba, umnumnzana Siphamandla Zondi, uthi lobanje ezokwenjiwa kwedayimana leZimbabwe zingakhulunywanga kulo umhlangano, ngokuya kwesikhathi inhlanganiso ye KPCS izaba kwazi ukuthi leli lizwe liyalandela na izinqumo zayo.
Umphathintambo wogatsha lwezemigodi eZimbabwe umnumnzana Walter Chidhakwa, laye oveze ukuthokoza ngokuba yingxenye yalo umhlangano, uthi njengoba iZimbabwe isilo sekelo olungcweleyo enhlanganisweni ye KPCS, ugatsha lwakhe luzasungula uhlelo lokuhlolisina ukuthi iZimbabwe ilamatshe aligugu angakanani phansi komhlabathi, ukuze kube lula ukuthi wonke asebenze ekuthuthukiseni ilizwe.
Umhlanganos we KPCS olandelayo ukhangelelwe ukuqhutshelwa kwele China ngo 2014.
Abenhlanganiso zikazulu bebelethemba lokuthi udaba lokuthi amadayimana enjiwa eZimbabwe ayaphi, luzaphathwa kulo umhlangano kodwa umgcinisihlalo weKPCS owehle esihlalweni kulo umhlangano, umnumnzana Ambassador Welile Nhlapho, uthi kakuzange kukhulunywe ngeZimbabwe ngoba bekungela ndingeko yokwenza lokho.
Obengungcinisihlalo wenhlanganiso ye Kimberly Process Certification Scheme – KPCS, umnumnzana Ambassador Welile Nhlapho wakwele South Africa uthi umhlangano lo uphumelele okwamagama.
UNhlapho uthi okunye kwalokho okusemqoka okuvunyelwene kulo umhlangano yikuthi ilizwe leCentral African Republic liqhubeke lingavunyelwa ukuthengisa amadayimana, iKPCS incedisane leIvory Coast ekulandeleni izinqumo zayo, lokuthi kuqiniswe indlela linhlanganiso eqapha ngayo ukusetshenziswa kwamadayimana ekukhwezeleni izimpi.Umnumnzana Nhlapho uthi iZimbabwe kakukhulunywanga ngayo ngoba bekungelandingeko yokwenza lokho.
Isizalwane seZimbabwe umnumnzana Shamiso Mtisi, obemele inhlanganiso zikazulu kulo umhlangano, uthi udanile ngokwehluleka kwe KPCS ukuvumelana ukuthi ingcazelo yokusetshenziswa kwamadayimana ekubangeleni izimpi igoqele lokuhlukuluzwa kwezakhamizi ezihlala endaweni okwenjiwa kuzo amadayimana.
Uthi lobanje edaniswe yikungakhulunywa kodaba lokunyamalala kwamadayimana eZimbabwe, uthokoziswe yikuthi inengi lezinto okukhulunywe ngazo zigoqela lalokho abakusolayo eZimbabwe.
Umqondisi wenhlanganiso ya kwele South Africa eyeInstitute for Global Dialogue, enhlaziya ngezobudlelwano bamazwe womhlaba, umnumnzana Siphamandla Zondi, uthi lobanje ezokwenjiwa kwedayimana leZimbabwe zingakhulunywanga kulo umhlangano, ngokuya kwesikhathi inhlanganiso ye KPCS izaba kwazi ukuthi leli lizwe liyalandela na izinqumo zayo.
Umphathintambo wogatsha lwezemigodi eZimbabwe umnumnzana Walter Chidhakwa, laye oveze ukuthokoza ngokuba yingxenye yalo umhlangano, uthi njengoba iZimbabwe isilo sekelo olungcweleyo enhlanganisweni ye KPCS, ugatsha lwakhe luzasungula uhlelo lokuhlolisina ukuthi iZimbabwe ilamatshe aligugu angakanani phansi komhlabathi, ukuze kube lula ukuthi wonke asebenze ekuthuthukiseni ilizwe.
Umhlanganos we KPCS olandelayo ukhangelelwe ukuqhutshelwa kwele China ngo 2014.