amalinks wokungena

Breaking News

UGrace Mugabe Unika Uzulu Ukudla Esithi Ungumuntu Wabantu


Zanu PF Rally Dr Amai Grace Mugabe

Umkamongameli uNkosikazi Grace Mugabe utshele abalandeli beZanu PF abaze emhlanganweni owenzelwe eChishawasha eMbare ngoLwesine ukuba ungumuntu ozwela abaswelayo, ezibeka esikhundleni sabo, kungakho ehlezi ebaphathisa.

Akade beqoqe umhlangano lo batshaye ingoma yomhlabeleli wakwele Botswana, uTawanda Kasaira, ejabulise uzulu obuthane eMbare ngengoma esidume okwamagama ethiwa “Unconquerable”.

Emazwini akhe, umkhokheli wohlangothi lwabesifazane ebandleni leZanu PF, uNkosikazi Mugabe uthi uyakuzwisisa ukuswela kukazulu kungakho emphathisa.

Uthethe lelithuba umkha mongameli ukuveza ukuba kulehlekana labantu kulelibandla abamqambela amanga bethi utshotshozela ukungezwani lokuhlephuka kwebandla.

Wethese amanye amalunga abalwa impi yenkululeko umlandu wokusabalalisa lumqondo, wathembisa ukukuqeda lokho.

Uthi akesabi lutho, uzoqhubeka ebakhuza abaqhuba limisebenzi yokungahloniphi abalwa inkululeko laba, kulixukwana nje, engamiswa yikuba sebethe bambulala.

Njengenhlalayenza, umkamongameli wabele usizo lwempahla ebalisa i-rice, indumba lamafutha wokuphekisa.

Ubekhona lomtanake uRussel Goreraza, laye owabele izalukazi ezingamakhulu ayisithupha-600, ezigoqela ugogo uHwiza, impahla enjenge, rice, isepa zokuwatshisa, amafutha okuphekisa lokunye okunengi nengi.

Imikambo yonke yemzini weMbare ibivaliwe ngesikhathi lumhlangano ungenwa, uzulu wonke ebanjwe ngamandla ukuya lalela umka mongameli, uNkosikazi Mugabe ekhuluma.

Utshele uzulu,uNkosikazi Mugabe, ukuba kuzaqhutshwa umhlangano ofanayo kusasa esigabeni seMataga, eMberengwa.

XS
SM
MD
LG