amalinks wokungena

Breaking News

UGugulethu Masuku Upha Isipho seSanitaryware Kumantombazana AweKillarney Squatter Camp


Osakhulayo uGugulethu Masuku enikeza isipho samaSanitary Pads kumatnombazana aweKillarney

UNkosazana Gugulethu Masuku ofunda uUpper 6, esikolweni eseSt Columbus High, ohlala emzini weKillarney, koBulawayo unikeze isipho semvunulo yabesifazana nxa besesikhathini lesepa kumantombazana ahlala eKillarney Squatter Camp.

Lokhu uthi ukwenze ngenhloso yokuthi labo bathole ithuba lokulondoloza ukuhlanzeka njengoba limphahla isibiza intengo ephezulu kakhulu.

Inengi labesifazana abesenelisi ukuthenga imvunulo yokusebenzisa nxa besesikhathini ngalezi nsuku ngoba intengo yayo ingeseneliswa ngabanengi okubangela ukuba bacine bephila nzima ngesikhathi besemfuleni.

UGugulethu Masuku osakhulayo wakoBulawayo
UGugulethu Masuku osakhulayo wakoBulawayo

UNkosazana Gugulethu Masuku uchaza isizatho sokupha imvunulo yabomama kumantomabazana angamatshumi amahlanu eKillarney Squatter Camp.

"Ngileminyaka engu18, ngibelomqondo wokuthi nginikeze amantombazana asakhulayo amasanitary-ware lesepa ukuze bazinanzelele empilweni ngemva kokunanzelela ukuba inengi alisenelisi ukuyithenga ngoba isidula kakhulu ezitolo."

Induna yeKillarney Squatter Camp uMnu Tony Ndlovu wamukele ngenjabulo isipho lesi.

"Ngiyalubonga loluhlelo oluzeloGugulethu ngoba luqakathekisa ukuzigcina kwabantwana abangamantombazana kanye lokuba bazinanzelele bahlale behlanzekile."

UThandekile Ndlovu omunye wabathole isipho semvunulo uthi ubevele esephelelwe ukuthi uzothini ngalesi sethekeli senyanga zonke esilanda abesifazana.

"Sifunda okunengi ngaphansi kohlelo lweSister to Sister njalo siyabonga isipho esisithole lamhlanje ngoba njengami besengivele ngingaselawo amapads azanginceda kakhulu."

Onakekela amantombazana eKillarney Squatter Camp ngaphansi kohlelo lwe Sister to Sister olukhokhelwa yiNational AIDS Council uNkosikazi Nompumelelo Dube ubonge kakhului isipho lesi.

"Ngilapha eKillarney Squatter Camp ngifundisa amantombazana amancane asakhulayo ngokuziphatha ngaphansi kohlelo lweSister to Sister olukhokhelwa yiNational AIDS Council njalo engikuthakazelelayo yikuthi isipho salamhlanje sigcwalisa kumfundiso abahlala beyithola siyabonga."

Amantombazana alitshumi lanhlanu thole isepa lemvunulo yabomama engabanceda inyanga ezimbili okulethe injabulo kwabanening ngoba inengi alisenelisi ukuyithenga emavinkilini ngenxa yokukhuphuka kwentengo, abanye sebephila ngesebenza kanengi lobanje kulodubo lwamanzi ngoba kumele ihlanjwe ihlale ihlanzekile.

Amankazana amanengi aweZimbabwe, njengawo wonke emhlabeni jikelele, asethomba esese mancane njalo akenelisi ukuzithengela imvunulo yokusebenzisa nyanga zonke. Abanye bacina besebenzisa izichibi ezingahlanzekanga okucina kudala imikhuhlane.

Okwamanje ezweni imvunulo yabomama iqalela kumadola amathathu kusiya phezulu ngesizatho sohlonzi lwawo.

Udaba losakhulayo uGugulethu Masuku esipha isipho isanitaryware siluphiwa nguAnnahstacia Ndlovu
please wait

No media source currently available

0:00 0:03:59 0:00

Facebook Forum

XS
SM
MD
LG