Owake waba ngumsekeli kaNkosazana Thokozani Khupe kubandla leMDC-T uMnu Obert Gutu kanye lowayenguSenator weMDC Alliance uMnu James Makore sebengamalunga eZanu PF.
Ababili laba bamukelwe nguMongameli Emmerson Mnangagwa eState House izolo.
UGutu uphume kuMDC-T nyakenye waqala ukusekela iZanu PF egcekeni. Waziwa njalo ngokuhlala echothoza umkhokheli weMDC Alliance uMnu Nelson Chamisa labanye bakhe esithi bayizikhothamathe zeMelika.
Uke waphuma njalo exolisa phezu kwezijeziso zenotho athi waphatheka kuhlelo lokucela iMelika ukuthi izethese amalunga eZanu PF.
Ukuya kwababili laba kuZanu PF kuza ngemva kokuba abanje njalo ababili ababengamalunga eMDC uMnu Blessing Chebundo loNkosazana Lilian Timveos labo bengene kubandla elibusayo kunsukwana ezedluleyo.