amalinks wokungena

ZIMTA: Kumele Lukhitshwe Ezikolo Ugwalo Oluphambanise Izipele ZesiNdebele

  • Ntungamili Nkomo

Inhlanganiso yababalisi iZimbabwe Teachers Association (ZIMTA) isixwayise ugatsha lwezemfundo ukuthi lumise ukusetshenziswa kogwalo lwabafundi bakaGrade 1 olulezipele zesiNdebele ezingaqondanga.

Ugwalo lolu lulesihloko esithi ‘Step In, Environmental Science, Grade 1 Learners Book’ njalo solucunule abantu abakhuluma ulimi lwesiNdebele abathi kumele lukhitshwe ezikolo.

Izipele ezilotshwe kubi kwesinye isahluko esikhuluma ngezitho zomzimba ngolimi lwesikhiwa, olwesiNdebele lolwesiShona zigoqela esithi Indlebe, esilotshwe kanje; ‘Indleve.’

Isipele lesi sithathelwe kulimi lwesiShona lona olusebenzisa uV endaweni kaB. Isipele solimi lwesiNdebele esiqondileyo ngesithi ‘Indlebe.’

Kwelinye njalo iphutha, ugwalo lolu luthi ikhanda lomuntu oyedwa ngamakhanda.

Umkhokheli weZIMTA uMnu. Richard Gundane utshele iStudio 7 ukuthi ugwalo lolu kumele lukhitshwe ezikolo ngoba lubulala ulimi lwesiNdebele.

Facebook Forum

XS
SM
MD
LG