amalinks wokungena

Breaking News

'Uhambo Luka Mnangagwa Kwele Botswana Kalusoze Luncede Ilizwe leZimbabwe'


UMnu. Emmerson Mnangagwa ekwele Botswana ...

Izakhamizi zakoBulawayo seziphe imbono ehlukeneyo mayelana lohambo lukaMongameli Emmerson Mnangagwa, abanye besithi uhambo lolu ngolunye nje oluchitha imali kazulu kuthi abanye njalo ngabathi balethemba lokuthi uhambo lolu luzakuba lempumela enhle luphathise ummnotho welizwe.

UMongameli Mnangagwa wethekelele kwele Botswana lapho ahlangane khona loMongameli wakwele Botswana uMnu. Ian Khama elenjongo yokuyalungisisa ubudlelwano bamazwe womabili.

UMnangagwa ubekhatshwe liqula elibalisa abaphathintambo abambalwa kunye labosomabhizimusi, okungaba kusetshenziswe imali eyizigidi lezigidi.

Osakhulayo, uMnu. David Ndlovu, osekela umanyano wePeoples Rainbow Coalition, uthi uhambo lolu lulakho ukuba lempumela ejabulelwe nguzulu kodwa uthi uMnangagwa kumele aqale alungisise ubedlelwano labantu lapha ekhaya engakayi kwamanye amazwe.

Olwela amalungelo oluntu, uNkosikazi Sichasisile Ndlovu, laye uvumelane loNdlovu esithi loluhambo lutshengisa indlela yokwakha ubudlelwano obuhle ethi kodwa kufanele baxoxisane ngendlela ezaletha ukhetho olungela buqili.

UNdlovu uthi uhambo lolu akumelanga lulungise ubedlelwano phakathi kwabakhokheli kuphela kodwa kulungisiswe lesiphatho esibi esinikezwa izizalwane zeZimbabwe kweleBotswana.

Omunye olwela amalungelo oluntu, uMnu. Mike Ndiweni, uthi uhambo lolu lutshengisa isifiso selizwe leBotswana sokusebenza leZimbabwe ekuvuseleleni ezomnotho.

Isakhamuzi sakoBulawayo, uMnu. Nkosenhle Mhambi, uthi loluhambo luyafana nje lohambo lweDavos olungalethanga utshintsho esithi sokusiyaphela insuku ezingamakhulu esembusweni kodwa akukabi lotshinstho olukhanyayo, impilo yomuntu nje elizweni leZimbabwe ayikabi lotshintsho.

EleBotswana alilamafekitali amanengi umnotho walo ugxile kulitshe eliligugu idayimani.

Lokhe eqale ukuba ngumongameli ngenyanga kaLwezi ngomnyaka ka2017 uMnangagwa sevakatshele amazwe ambalwa abalisa eleZambia, Namibia, Ethiopia, South Africa laseDavos Sitszerland.

Uzaphathelani Ilizwe leZimbabwe uMnangagwa Obeselizweni leBotswana?
please wait

No media source currently available

0:00 0:03:24 0:00

Facebook Forum

XS
SM
MD
LG