amalinks wokungena

Breaking News

Kusungulwa Uhlelo Lokuhlaba IJekiseni leHPV koBulawayo


Abantwana abahlatshwayo ngabaleminyaka elitshumi kusiya kwelitshumi lane, 10-14 njalo bazabebehlatshwa ezikolo lasemakilinika edolobheni lokhe lako Bulawayo.
Umqondisi wezempilakahle kukhansili yakoBulawayo udokotela Edwin Sibanda uthi uhlelo lolu oluqala namhla lujonge ukuvikela amantombazana ekuthelelweni igcikwane leHPV elibangela imvukuzane yomlomo wesibeletho.
U Sibanda wengeze ethi ijekiseni le isetshenziswa emazweni amanengi womhlaba ethi akulabufakazi bokuthi ilakho ukubangela eminye imikhuhlane.
Uphenyo olwenziwa ngabenhlanganiso eye Information Centre on HPV and Cancer ngomnyaka owedluleyo luveza ukuba ngomnyaka ka 2012 inani labesifazana abangaphezu kwenkulungwane (1451) batholakala belomkhuhlane lo ngomnyaka kodwa inani lelo selaqansa.
Omunye umzali wako Bulawayo unkosikazi Jinniffer Kaoma uveza ukungabi lolwazi lwale ijekiseni esola ukuhlatshwa kwabantwana. Ekhanya ekhathazekile ukuthi abantwana abanengi bayagula okungaqedakaliyo ngemva kokuhlatshwa.
Umnumzana Innocent Ncube ohlala eNkulumane uvumelane lo Kaoma ethi kumele kuqale kwaziswe uzulu ukuthi kuhlatshwelani ukuze babelolwazi
Unkosikazi Fortune Moyo umzali osakhulayo uthi lokhu kulinyathelo elihle ethi kodwa kumele kukhankaselwe indlela zokuzivikela ezifana lokukhuthaza ukungajahi ukuya emacansini kanye lokuhlolwa.
Umka Mongameli welizwe uNkosikazi Auxilia Mnangagwa uyakhokhela ekukhankaseleni ukulwisana lemikhuhlane yemvukuzane evame ukuhlasela abesifazana elizweni lonke jikelele egoqela leyebele.
Ngomnyaka odluleyo umphathintambo wezempilakahle usungule iziqondiso zokulwisana lemvukuzane yomlomo wesibeletho elizweni lonke jikelele eze Zimbabwe National Cervical Cancer Control and Prevention Strategy (ZCCCPS) (2017-2020), phakathi obe kumele zilandelwe kusukela nyakenye kusiya fika umnyaka ka 2020.

Udaba lwejekiseni leHPV siluphiwa nguBathabile Masuku
please wait

No media source currently available

0:00 0:05:04 0:00

Facebook Forum

XS
SM
MD
LG