amalinks wokungena

Breaking News

UHenrietta Rushwaya Umiswe Enkantolo Ngecala Legolide


UNkosazana Henrietta Rushwaya (ophakathi laphakathi) umiswe emthethwandaba ngoLwesibili.

Owake waba ngumkhokheli weZIFA njalo osekhokhela inhlanganiso yeZimbabwe Miners Federation, uNkosazana Henrietta Rushwaya umiswe emthethwandaba ngoLwesibili esetheswa icala lokuzama ukuphuma elizweni ngudlu legodile elilesisindo se6kg elibiza imali iUS$366,000.

Amapholisa abophe uRushwaya emini izolo ngesikhathi ezama ukugada indizamtshina eRobert Gabriel Mugabe Airport, eHarare esiya eDubai lapho anakanelwa ukuthi ubesiyalithengisa khona.

Inkundla yeZimLive ibika ukuba abatshutshisi bebevumelane phandle komthethwandaba legqwetha likaRushwaya ukuthi uzakhululwa ngeZ$90,000 yesibambiso, i-bail.

Kodwa ithi umantshi uMnu Ngoni Nduna ukwalile lokhu esithi isivumelwano lesi bekumele senziwe phambi kwakhe esizwa yonke iminingingwana yaso.

UNkosazana Rushwaya uzalala evalelwe njalo esitokisini ebuyele enkantolo ngoLwesithathu.

Facebook Forum

XS
SM
MD
LG