amalinks wokungena

Breaking News

UHichilema Usengumholi weZambia Omutsha Ngemva Kokunqoba uMongameli Lungu


Opposition UPND party's presidential candidate Hakainde Hichilema casts his ballot in Lusaka, Zambia, August 12, 2021.
Opposition UPND party's presidential candidate Hakainde Hichilema casts his ballot in Lusaka, Zambia, August 12, 2021.

Umkhokheli webandla eliphikisayo kweleZambia uMnu Hakainde Hichilema nguye osenguMongameli walelolizwe ngemva kokunqoba uMongameli Edgar Lungu kukhetho olwenziwe ngoLwesine.

Ikhomishini yezokhetho yazise namuhla ekuseni ukuthi uHichilema uthole amavoti ayizigidi phose ezintathu, 2,8 million, kwathi uMongameli Lungu wathola ayizigidi phose ezimbili, 1,8 million.

Lokhu kutsho ukuthi uMnu Cichilema, yena omela ibandla leUnited Party for National Development, unqobe uLungu, owebandla lePatriotic Front, ngamavoti afika phose isigidi, 1 million.

Lanxa kungakaziwa ukuthi uLungu uzavuna na ukuthi unqotshiwe njalo asuke kuhle embusweni, wethule umbiko ngoMgqibelo esithi ukhetho lolu aluqhutshwanga kuhle ezigabeni ezintathu.

UHichilema yena uthi uzabusa ngendlela emanyanisa uzulu.

XS
SM
MD
LG