amalinks wokungena

Breaking News

Kungezelelwa Isikhathi Sokubhalisa Amabizo Kugwalo Lokuvota


Owayengumongameli, uMnu. Robert Mugabe ebhalisela ukuvota.
Owayengumongameli, uMnu. Robert Mugabe ebhalisela ukuvota.

Uhlelo lokubhalisela ukuvota obelukhangelelwe ukuqgitshwa ngoLwesibili mhlaka 19 Mpalakazi selwengezelelwe isikhathi ngemva kokuba inhlanganiso ezizimeleyo kanye lamabandla aphikisayo ekhalaze kakhulu ngokuthi uhlelo lolu kumele lwengezelelwe insuku.

UNkosikazi Sithembiso Khuphe onguDistrict Elections Officer wako Bulawayo, wazise ukuba uhlelo lolu luzaqhubekela phambili ngamaviki amahlanu kusukela mhlaka 5 Zibandlela kusiya mhlaka 13 Nhlolanja ku2018.

Uthe bafisa ukuthi uhlelo lolu nxa luqhubekela phambili lwenziwe ngokuhambahambela abantu.

UKhuphe uveze njalo ukuthi amapholisa lawo ayavunyelwa ukubhalisela ukuvota kodwa akukacaci ukuthi kuzaqhutshwa njani nxa sokumele bavote ngoba uluhlu olutsha lwamabizo okuvota luvumela ukuthi umuntu avotele lapho ahlala khona.

Osebenza kunhlanganiso ezimeleyo yodwa eyeGetjenge Community Radio, uMnu. Thomas Sithole, uthe bayasamukela lesi sinqumo esithethwe yiZEC ngoba kuzanikeza inengi labantu ithuba lokubhalisela ukuvota.

Lokhu kwenzelwa ukuthi abantu abakade bebhekana lobunzima ekubhaliseleni ukuvota, ikakhulu labo abalezithupha ezithi abazali babo ngabadabuka kwamanye amazwe ezibhalwe “alien” laloba bazalelwa eZimbabwe, benelise labo ukubhalisa.

UNkosikazi Mable Phiri uthi uyajabula kakhulu ngoba sezathola ithuba lokulungisisa incwadi yokuzalwa ende. Okwakhathesi ubesehluleka ngenxa yokuthi ubengelayo leyo ncwadi edingakalayo.

Uhlelo lokubhalisela ukuvota bekumele luqgitshwe ngoLwesibili njalo koBulawayo sekubhalise abantu abaphose bafike inkulungwane ezingamakhulu amabili (195,633). Inani labantu elalikhangelelwe ukubhalisela ukuvota zinkulungwane ezingamakhulu amane (409 000).

Elizweni lonke jikelele sokubhalise abantu abangaba yizigidi ezedlula ezine lengxenye (4,569,240). Inani labantu elalikhangelelwe ukubhalisela ukuvota yizigidi eziyisikhombisa.

please wait

No media source currently available

0:00 0:02:46 0:00

Ukuhlaziya loludaba sixoxe loNkosazana Ellen Siriyendenga, unobhala obona ngokuqoqwa kwenhlelo zebandla le MDC elikhokhelwa nguMnu. Welshman Ncube, othi ukwengezelela isikhathi okwenizweyo kulakho ukuphathisa kodwa akusoze kufinyelele inani elathiwa lizabe selibhalisile emaphethelweni ohlelo lolu.

please wait

No media source currently available

0:00 0:02:18 0:00

XS
SM
MD
LG