amalinks wokungena

Breaking News

Uhlelo Lwe Anglican Church Olokuphathisa Abaswelayo eHarare Luyaphumelela


Church Demo

Uhlelo lwabebenkonzo ye Anglican Church, lokuphathisa izakhamizi ze Harare ngoncedo kunhlangothi ezitshiyeneyo zempilo lubikwa luphumelela okwamagama.

Lolu hlelo solubone abantu bephathiswa kwezempilakahle, ukuthandazelwa, uncedo lwamagqwetha lokunye kungelambadalo osokwenza babuye ngobunengi bezofuna loluncedo.

Lokhu kwenzakala enkonzweni eye Anglican emzini we Greendale, eHarare, lapho abantu abeza ngobunengi bephatheka kunhlelo zokuqinisa umzimba.

Inkokheli yalelibandla ithi yakubona kufanele ukuba besebenzelane lozulu ngalindlela ngoba umumo ungamanga kuhle elizweni.

Osakhulayo walelibandla ophathisa kwezinye zalezi nhlelo, uNkosazana Nonhlanhla Muwoni uthi abantu bayaphathiseka kakhulu kwezempilakahle.

“Kulama pre health checks.Abantu abanengi bayabe bengela mali oyokuya kuma hospitals ukuthi bayokhangelwa ukuthi kwenzakalani kibo emzimbeni yabo so kulama doctors lama dentist.Kule cancer screening okuyinto eqakathekileyo kumantombazana labomama also kule eye testing le legal advice ngoba abantu abenelisi ama lawyer kodwa lapha kwenziwa for free,” kutsho uMuwoni.

Omunye wabafundisi kuleli bandla uMfundisi Vicky Mpofu uthi lumsebenzi obanzi kangaka usungulwe ngabasakhulayo kulisonto besebenzelana loMfundisi Peter Mapise okhokhela uhlangothi lwabasakhulayo.

“Into le liyazi yaqalwa ngabafana abancane nje bengamajaha kusiya kuma newly weds yibo abadala loluhlelo lwe impact bethi sifuna ukunikeza I service ku community .Kubuye abantu abavela as far as Epworth .Thina ke abe ww nxa sebebhalelwe ama prescription siyawathatha lawo ma prescription sibathengele umuthi,” kutsho uNcube.

Isakhamuzi sase Harare uNkosikazi Tracy Ndlovu ngomunye wabanengi abathathele phezulu lelithuba wahlanganela labanye kulumbuthano owenziwe yonale impelasonto:

“Ngibuye ngizokhitshwa amazinyo lokuhlolwa ilihlo the iqolo leli libuhlungu so ngibone u dokotela wangibhelela ama treatment njalo ngibuye lomntwanami waphathiswa laye ngakhitswa amazinyo so hayi yinto engiijabulele kakhulu nga bayakwenza zikhathi zonke nyanga zonke ,maviki onke,” kutsho uNdlovu.

Loluhlelo lubikwa lusenziwa kanye ngomnyaka njalo luthuthuka njalo minyaka yonke lokhe luthuthuka.

Loluhlelo lugoqela incgitshi zemisebenzi lenhlangothi ezehlukeneyo zempilo ezifana labodokotela ebalapha inhlungu ezehlukeneyo lokuhlola, abelapha amazinyo, abahlola amehlo, amagqwetha, ababona ngezokuhlela imali ama accountants, ababoa ngezokwakha umzimba ama nutritionist labafundisi balelibandla lokholo bathandazela abagulayo. Konke lokhu bakwenzela uzulu kungela mbadalo.

Facebook Forum

XS
SM
MD
LG