amalinks wokungena

Breaking News

Uhulumende Wehluleka Ukubhadalela Indleko Yohlelo lweCadetship


Ugatsha lwezemfundo yaphezulu lutshele idale lephalamende ukuthi lesabela ukuthi kungaqhamuka inxabangxoza emkolitshini lemaunivesithi elizweni njengoba uhulumende esithi kasenelisi ukuhlawulela indleko yezifundi eziphuma emhulini eziswelayo phansi kohlelo lwe Cadetship.

Unobhala walolu gatsha umnumzana Washington Mbizvo utshele ikhomidi ebona ngezemfundo kuleli dale ukuba uhulumende useleminyaka emithathu edluleyo esehluleka ukuhlawulela limali.

Uqhubeke ethi lonyaka ugatsha lwakhe belufuna izigidi ezilitshumi lambili zamadollar, kubudget kodwa ugatsha lwezemali luthi luzabapha izigidi ezithoba minwe mbili kuphela..

Okwamanje uhulumende ulezikwelede zezigidi eziyisithupha zamadollar kumakolitshi ehlukeneyo elizweni lonke jikelele sokuhlawulela izifundi.

Lanxanje ethi umumo wezinto ezikolweni ubusungathi uba ngcono kule iminyaka edluleyo ukuswelakala kwali mali kuzaphinde kudale umonakalo ongaziwa lokuthi uzaphathwa njani ezikolweni kanye lasemakolitshini.

UMbizvo uthi lanxanje uhlelo lokuthuthukisa inotho olwe Zimbabwe Agenda for Socio Economic Transformation lubamba ngamandla ugatsha lwakhe ukuthi luthuthukise imfundo akaboni lokhu kusenzakala ngoba uhulumende yena ngokwakhe esehluleka ukusekela inhlelo lezi ngemali.

Amayunivhesiti lamakolitshi emfundo yaphezulu athatha izifundi ezzizinkulugnwane ezingamatshumi ayisikhombisa ngomnyaka njalo inengi lazo liyabe lifuna usekelo lwemali. Phansi kwalolu hlelo uhulumende ubhadalela indleko yemali yezifundo, kuthi indleko yalapho izifundi ezihlala khona kanye lokudla izifundi zizibonele.
XS
SM
MD
LG