Inhlanganiso ezizimeleyo bezithe gwaqa ngoLwesihlanu koBulawayo zicubungula udaba lokusilela kwamabhasi lemitshova kulelidolobho ngoba abangabhalisanga kunkampani yeZUPCO bephanjulwa emgwaqweni ngamapholisa
Lokhu kulandela umhlangano osanda ukuqhutshwa ngabahlali bakoBulawayo obuqoqwe yinhlanganiso yeBulawayo Progressive Residents Association, lapho abavumelane ukuthi bazalobela uhulumende kanye lekhansili yalelidolobho incwadi ekhalaza ukuthi kuvunyelwe abanye abakubhizimusi yokuthwala abantu ukuthi besebenze.
Isikhulumeli samapholisa uMnu. Paul Nyathi usanda ukwethula umbiko echasisa ukuthi baphambula izimota ezisebenza ngokungekho emthethweni kanye lamakhombi lamabhasi athwala abantu wona engabhalisanga kunkampani yeZUPCO njengalokho okwanqunywa nguhulumende emizameni yokwenqabela ukumemetheka komkhuhlane weCOVID 19.
Ukuhlaziya loludaba, sixoxa losomabhizimusi uMnu. Abednico Bhebhe, isiphathamandla senhlanganiso yeMotor Industry Association of Zimbabwe.
