amalinks wokungena

Breaking News

Uhulumende Kalamvumo Yokuguqula Amabizo Ezitalada koBulawayo, Kunquma Umthethwandaba


Ikhansili yeDolobho lakoBulawayo

Amanye amabizo la nguEmmerson Dambudzo Mnangagwa, loSimon Vengai Muzenda Avenue.

Umthethwandaba kamantshi ngoLwesine unqume ukuthi uhulumende kalamvumo yokuthi anikeze izitalada zakoBulawayo amabizo amatsha, kulandela ukumangalelwa kwakhe ngabahlali balelidolobho ngomnyaka odluleyo, esithi kwephulwa ezinye iziqa zomthetho weUrban Councils Act.

Ngomnyaka odluleyo, umphathintambo kahulumende uMnu. July Moyo waphikisa loludaba emthethwandaba esithi kwalandelwa umthetho njengokunquma kwedale le cabinet, ngemva kokukhulumisana lamakhansili amadolobho wonke, wona alotshelwa uluhlu lwamabizo uhulumende afuna asetshenziswe.

Amanye amabizo la nguEmmerson Dambudzo Mnangagwa, loSimon Vengai Muzenda Avenues.

UMnu. Job Sibanda, igqwetha elimela abahlali bakoBulawayo, abamelwe yinhlanganiso yeBulawayo Progressive Residents Association uthi isinqumo somthethwandaba siqondane ledolobho lakoBulawayo kuphela, hayi amanye amakhansili athola uluhlu lwamabizo amatsha awezitaladi avela kuhulumende.

please wait

No media source currently available

0:00 0:01:48 0:00

Siphinde saxoxa loMnu. Ambrose Sibindi, umgcinisihlalo wenhlanganiso yeBulawayo Progressive Residents Association, onguye owakhweza loludaba emthethwandaba, yena othi bathemba uhulumende kasoze aluphikise njalo loludaba, ngoba bona bengaziswanga ngokuguqula amabizo ezitalada njengabahlali balelidolobho.

please wait

No media source currently available

0:00 0:02:16 0:00


Facebook Forum

XS
SM
MD
LG