amalinks wokungena

Breaking News

'Uhulumende kaMnangagwa Katshiyane Lenduna uNhlanhlayamangwe Ndiweni'


Induna uNhlanhlayamangwe Ndiweni leNkosi uBulelani Lobhengula kaMzilikazi kaMatshobana.

Kulabanye abantu abasekela okwethulwe yinduna uNhlanhlayamangwe Ndiweni othi abantu bahlupheka okumangalisayo eZimbabwe ngenxa kahulumende kaMongameli Emmerson Mnangagwa owehluleka ukubusa ngemfanelo.

Abakhulume leStudio 7 bathi kuliqiniso ukuthi uhulumende kaMnangagwa uyehluleka ukuguqula umnotho.

Inkulumo yenduna izondise abalandeli baka Mnangagwa abathi ukhulumele eceleni.

Omunye wabasekela induna nguMnu. Dingumuzi Khumalo, odabuka esikhosini, othi uNdiweni ukhuluma iqiniso ngoba abantu bayahlupheka kwele Zimbabwe.

“Inkinga yikuthi kabafuni ukulalela abantu abadabuka eMatabeleland. Ababusayo laba bayabazonda abantu beMatabeleland. Lesi yiso isizatho esenza ukuthi becine bebagangada. Uhulumende kaMnangagwa katshiyane lenduna uNhlanhlayamangwe Ndiweni ngoba ukhuluma iqiniso.”

UMnu. Victor Matematanda, umsekeli womphathintambo kahulumende obona ngezomvikela, uthi induna uNhlanhlayamangwe Ndiweni kumele alibambe lingatshoni.

Ingxoxo Esiyenze LoMnu. Dingumuzi Khumalo
please wait

No media source currently available

0:00 0:03:07 0:00

Facebook Forum

XS
SM
MD
LG